Тврдењата за руско мешање во кампањата за општите избори се „сериозно загрижувачки“, рече британскиот вицепремиер Оливер Дауден. Во изјава за Sunday Morning со Тревор Филипс тој посочи дека Москва со наводното користење страници на Фејсбук за да шири поддршка за Најџел Фараж „е класичен пример од руската книга за игри“.
Предупредувањата на Дауден за ризик од руско мешање во кампањата за парламентарните избори во Велика Британија на 4 јули доаѓаат откако австралиски медиум Еј Би Си откри координирана активност од ваков вид на „Фејсбук“.
Дауден, кој го нарече извештајот на Еј Би Си „сериозно загрижувачки“, изјави за Скај њуз: „Ова е нешто за што предупредувам веќе некое време.
„Постои закана на сите избори, и навистина ја гледаме на овие избори, од непријателски државни актери кои сакаат да влијаат на исходот на изборната кампања.
„Русија е врвен пример за ова и ова е класичен пример од руската книга.
Тој додаде дека ова е „користење на ботови на ниско ниво“.
„При сите избори постои закана, и навистина ја гледаме при овие избори, од непријателски учесници кои се обидуваат да влијаат на резултатот“ од гласањето, изјави Оливер Дауден.
Австралиската јавна телевизија Еј Би Си идентификуваше пет координирани „Фејсбук“ страници со вкупно 190.000 претплатници, кои критикуваат неколку британски политички партии, вклучувајќи ги лабуристите и конзервативците, но понекогаш ја поддржуваат антиимиграционата партија на Најџел Фараж „Реформа Обединето Кралство“. Експерти интервјуирани од Еј Би Си во тоа гледаат знак за руско влијание.
„Никако не претпоставувам дека има некаков вид директен заговор“ меѓу Русија и лидерот на антиимиграционата партија „Реформа УК“ Најџел Фараж, изјави Оливер Дауден, истакнувајќи дека целта му е „да предупреди“ за „заканата од руска државна интервенција во нашите избори“.
Од друга страна, тој ги осуди неодамнешните коментари на Фараж дека Западот ја „испровоцирал“ војната во Украина.
Запрашан во етерот на телевизијата „Скај њуз“ за стравувањата од странско мешање, Фараж ги нарече тврдењата на Дауден „руска лажна вест“.
Тој, исто така, повтори дека случајот со расистичките забелешки за британскиот премиер Риши Сунак дадени од еден од неговите активисти е „стапица“. – Тоа беше само еден трик од почеток до крај“ и „намерен обид да се уништи нашата кампања, рече Фараж.
Д. Мишев
