Нападот врз новинарите на ТВ Шења во Општина Чаир од симпатизерите на ДУИ на 18 јули, предизвика остра реакција во јавноста.
Денеска Советот за етика во медиумите на Македонија (СЕММ) излезе со соопштение со кое го осуди настанот во кој беше загрозена безбедноста на новинарската екипа на ТВ Шења.
„Безбедноста на новинарите мора да биде ослободена од какви било закани и притисоци, а државата, во согласност со член 10 од Европската конвенција за човекови права, е одговорна за преземање на сите активни мерки со цел да се создаде и одржува поволна клима за слобода на изразување. Потсетуваме дека ваквата одговорност произлегува и од препораките на Комитетот на министри на Советот на Европа околу заштитата на новинарството и безбедноста на новинарите и другите медиумски актери“, стои во соопштението на Советот за етика во медиумите.
ЦИВИЛ – Центар за слобода остро го осуди вербалното насилство и ги повика институциите и партиите да имаат почит кон работата на новинарите.
