Долгогодишното чекање на исправка на измените на Кривичниот законик од 2023 година конечно се реализира со нови предлози поднесени до Собранието. Панел-дискусијата „Чекајќи го Годо… и правдата“ го отвори прашањето дали измените ќе донесат поголема одговорност и правда за функционерите што злоупотребиле своја позиција, или пак ќе продолжат да овозможуваат неказнивост.
Евроамбасадорот Михалис Рокас и претседателот на Уставниот суд Дарко Костадиновски потенцираа дека граѓаните очекуваат правда, а не формални решенија, додека дел од експертската јавност и обвинителката Ленче Ристоска предупредија дека новите измени сепак можат да останат поблаги и да легализираат дел од злоупотребите.
Уставниот суд ќе ги следи законските промени и ќе постапува согласно својата одлука, оставајќи ја конечната оценка за степенот на одговорност и владеење на правото на идните законодавни решенија.
