Активистичката акција Дај Мито беше замислена како перформанс – поворка, коај вечера истовремено се случуваше на повеќе локации во Скопје. На сатиричен начин активистите се обидоа да ја прикажат културата на давање и примање мито во едно коруптивно општество каде институцијата задолжена и одговорна во борбата против корупција, Државната Комисија за спречување на корупција, не функционира.Дај Мито преку перформансот ја промовираше и новоформираната Агенција за рамноправна редистрибуција на миточија цел е да се усоврши културата на давање мито во Македонија и да се олесни процесот на корупција на сите засегнати страни.
„Во Македонија, споредено со трендовите во борбата со корупцијата во земјите од регионот, резултатите се поразителни: според последниот извештај на Транспаренси Интернешнл, Македонија паѓа од 69 на 107 место на листата, што е пад 38 места, односно има оценка 35/100 со што Македонија спаѓа во групата на земји со висока корупција. Во Македонија во 2016, 30% од граѓаните изјавиле дека им било побарано мито, а 29% платиле, односно дале мито. Во 2017, на 36% од граѓаните им било побарано мито, 31% дале мито. 90% од граѓаните во Македонија никогаш, односно воопшто не пријавиле корупција“, велат активистите на Дај Мито.
Со цел да се олесни процесот на подмитување тие изработиле и „банкноти“ од 2.000 евра за мито за вработување во државна администрација, 1.000 евра за операција, 600 евра за мито за уверение за неосудуваност, додека банктотата за оценка 6 за факултет има вредност од 200 евра.
МЛ
