Тужбите од Мицкоски и смртните закани нема да ме заплашат. Јас сум повеќе од 10 години често сум мета на она што се нарекува стратешко заплашување преку судски прогони а тоа во последната година особено го пртктикува лидерот на ВМРО-ДПМНЕ, рече во информативната програма за Слободен печат, Џабир Дералa, претседател на ЦИВИЛ.
„Се обидува преку судски прогон да ме заплаши да ме сопре, тоа одзема многу време, успева во тоа да ми одземе време, успева да ми одземе пари заради тоа што судските процеси се секогаш релативно скапи, особено за оние кои немаат богатства зад себе и цели партии. И не е само тој, јас бев тужен и од лидер на една друга политичка партија која е во тој блок на Мицкоски“, посочи Дерала.
Дерала додава дека покрај тужби, добива и закани по неговиот живот, но дека тоа нема воопшто да го заплаши.
„Јас го гледам обидот да ме заплашат, но нема да бидам заплашен, ниту заканите со убиство, што ги добивам во мојот инбокс, каде меѓу другите има и еден лидер на една помала политичка партија кој директно ми се закани сите тие треба да знаат дека не можат да ме заплашат. Сепак сите тие се добро информирани и свесни се дека мене не можат да ме заплашат но се обидуваат на тој начин другите да ги заплашат и тоа е опасниот дел од целата приказна“ посочи Дерала.
Тој додаде дека ЦИВИЛ беше првата организација и медиумска екипа која реагираше на војната против Украина.
„Ние постојано објавуваме содржини за вистината да стигне до граѓаните, бидејќи вистината прва умира во војна, и како организација повикуваме на мир, бидејќи насилството, војните не носат добро. Во Украина се брани демократскиот свет“.
Радикалните структури се само гласни, меѓутоа прогресивните сили се побројни и тие ќе победат на следните избори во целиот свет, вели Дерала, одговарајќи на прашањето дали радикалните десни структури забрзано растат во Европа и во светот.
Тој нагласи дека во Северна Македонија ќе има добри и демократски избори, додавајќи дека победникот на изборите е неизвесен, бидејќи анкетите за јавно мислење се користат како алатка во пропагандните кујни и не ја даваат искрената состојба.
„Сметам дека прегресивните партии кои се европски настроени ќе победат на следните избори, меѓутоа руското малигно дејствување е засилено и доколку дојде до промена на власта може да има тектонски поместувања во државата“.
Орденот од Зеленски ми претставува чест, вели Дерала, додавајќи дека го доби како признание за борба против дезинформациите.
Д. М.
