За тоа дека некои дезинформации се појавуваат во различни периоди и на различни места, пример е и еден наш прилог од 2020 година.
Фотографија од Алгеро, Сардинија (Италија) тогаш се сподели како да е направена во Тетово, Северна Македонија, Малта, Бугарија и други земји.
Фејсбук страницата Бојкотирам во 2020 година ја објави фотографијата со коментар: „Новата иновација, каде ако не во Тетово? Во оваа слика е прикажана состојбата на северџистан, една слика илјада зборови… П.С. Бандерата му ја пуштиле низ тераса за да има од каде да се поврзе за бесплатна струја“.
Зградата не се наоѓа во Тетово, ниту било каде во Северна Македонија, туку според објавите на Твитер во 2019 година наводно се наоѓа во Малта! Всушност се работи за дезинформација.
На Твитер во 2019 година е објавено дека зградата се наоѓа во МалтаИ на сајтот imoti.com.mk во 2020 година е објавена оваа фотографија со коментар „Кај нас во Тетово“, и истата фотографија е над 100 пати споделувана на Фејсбук.
Еден од споделувачите на фотографијата дека е направена во Тетово во 2020 година е и професорот Владимир Милчин, театарски режисер и поранешен директор на Сорос фондацијата во Северна Македонија.
Исто и Димитар Бечев во 2020 на Твитер објави дека фотографијата е од Тетово, Северна Македонија.
Истата фотографија е објавена и дека е направена некаде во Русија, Бугарија и други држави.
Спорната фотографија од тераса со бандера од улично осветлување всушност се наоѓа во Алгеро, Сардинија, Италија
Порталот Алгероеко во октомври 2021 година објави вест дека се расчистува тротоарот пред зградата во Алгеро.
Се расчистува третоарот, но не се отстранува „светлосниот“ столб што излегува од терасата на зградата, објави Алгероеко на 22 октомври 2021И порталот Електроњуз во август 2023 објави вест од спорната зграда.
На Фејсбук страницата Л’Еко ди Барбагиа во март 2023 година е објавена фотографија од Стефано Сана со коментар: Алгеро, модерна архитектура.
ЦИВИЛ како организација за човекови права и слободи со повеќе од една деценија се бори против лажните вести, дезинформациите и говорот на омразата.
Д. Муратов
