Европа одбележува 80-годишнината од крајот на Втората светска војна, со настани што ќе се одржат низ континентот и надвор од него.
Голем дел од Западна Европа го одбележува Денот на победата во Европа (VE Day) на 8 мај, но безусловната воена капитулација што ја заврши Втората светска војна во Европа всушност беше потпишана ден претходно, во 2:41 часот наутро на седми мај, во Ремс, источна Франција.
Јосиф Сталин одби да ја признае таа капитулација и побара симболична втора капитулација да се потпише во Берлин – местото каде што започна агресијата на нацистичка Германија – и кое, по случајност, тогаш беше под советска контрола.
Свечени церемонии ќе се одржат кај споменици на војната во градови и села низ Франција, со оддавање почит на загинатите. Во Франција Денот на Европа е државен празник.
Германија, за првпат, ќе го прогласи овој ден за државен празник, додека во Обединетото Кралство годишнината ќе се одбележи со богослужба во Вестминстерската опатија во Лондон, што ќе започне со национално двеминутно молчење. Комеморативните настани во Обединетото Кралство ќе завршат со концерт на Horse Guards Parade, на кој ќе присуствуваат околу 10.000 луѓе. На концертот ќе настапат ѕвезди од театарот и телевизијата, вклучувајќи го Џон Њуман и дамите Џоан Колинс, Мери Бери и Шила Хенкок, како и воени музичари, и ќе ја раскаже приказната за победата и наследството од Втората светска војна во Европа. Комеморациите се одвиваат во контекст на војната во Украина, зголемувањето на трошоците за одбрана и промените во надворешната политика на САД.
Украинскиот претседателот Володимир Зеленски упати повик до сојузниците да се обединат во борбата против руската инвазија на Украина, додека Европа слави 80 години од поразот на нацистичка Германија во Втората светска војна.
„Токму како пред 80 години, кога на сите конечно им стана јасно: злото не може да се смири. Мора да се бори. Заедно. Решително. Со сила. Со притисок“, изјави Зеленски.
Британскиот премиер Кир Стармер, по тој повод, пак, изјави дека „линиите на фронтот во Украина“ сега претставуваат „прва линија на одбрана на западните вредности“.
80-годишнината од Денот на победата над фашизмот се одбележува и со настани низ Северна Ирска и Шкотска.
извор: Гардијан
Прочитајате повеќе:
(РЕПРИНТ) 9 мај, еден Ден по победата во Европа над фашизмот
