Додека се трошат милијарди долари на откривање далечни галаксии, планетата Земја и натаму е дом на тажни реалности што може да се решат со многу помалку пари, а една од нив е и фактот дека над 152 милиони деца се жртви на детскиот труд, соопшти Организацијата за храна и земјоделство (ФАО).
Според оваа агенција на ОН, дури 67,5 отсто од тие 152 милиони деца се злоупотребуваат како евтина или бесплатна работна сила, при што тој процент е најголем во секторот земјоделство.
Дури 60 отсто од децата на возраст од пет до 17 години се принудени да се занимаваат со земјоделство, рибарство, шумарство или сточарство, наведува ФАО.
„Околу 108 милиони деца се ангажирани во земјоделството и најчесто работа речиси во текот на целиот ден, со што се соочуваат со професионални ризици“, посочува Организацијата, додавајќи дека земјоделството е едно од трите најризични сектори според бројот на смртни случаи, несреќи при работи и професионални заболувања.
2
ФАО заклучува дека ваквото ангажирање на децата ги загрозува детските права, нивното здравје и перспективите за образование, што претставува „пречка за одржлив развој на земјоделството и за безбедноста на храната“.
извор: МИА
Содржините кои ЦИВИЛ ги презема од други извори не подлежат на лиценцата Creative Commons 1.0, инаку вообичаена за содржините кои ги објавува оваа медиумска платформа. Ве молиме, консултирајте се со изворот за преземање на таквите содржини.