Украинските копнени сили објавија видео на кое се гледа падот на рускиот бомбардер Ту-22М3 на територијата на Ставропол, кој беше дел од силите кои лансираа ракети кон Украина во раните утрински часови во петокот, 19 април.
Снимката што ја пренесува Укринформ беше поставена на Фејсбук страницата на копнените сили на Украина.
„Инстант карма во акција – авион Ту-22М3 на руските воздухопловни сили, кој лансираше проектили во текот на ноќта, се урна на територијата на Ставропол. Пилотите преживеаја, за жал“, се вели во извештајот.
Како што претходно објави ЦИВИЛ Медиа, на 19 април одекнаа експлозии во Днипро и Одеса за време на рускиот ракетен напад во кој наводно учествувал паднатиот руски бомбардер. Во Днипро, руска ракета погоди станбена зграда и урна неколку ката. Најмалку две лица загинале, а 15 се повредени.
Драган Мишев
