Францускиот министер за надворешни работи Жан-Ив Ле Дриан денеска пристигна во Багдад каде со ирачките функционери ќе разговара за обновата и стабилизацијата на земјата по воената победа над групата Исламска држава (ИД).
– Дојдов за да ја покажам поддршката на Франција, изјави Ле Дриан при пристигнувањето и вети дека неговата земја ќе биде секогаш подготвена да помогне, како со учеството во меѓународната коалиција, така и за време на обновата на земјата.
Планирано е за време на сегашната посета тој да разговара со премиерот Хајдер ал Абад, претседателот Фуад Масум и претседателот на Парламентот Салим ал Џабури.
– Се надеваме дека француското искуство ќе биде корисно за обновата, одговори ирачкиот министер за надворешни работи Ибрахим ал Џаафари.
Денеска во Кувајт почнува тридневна конференција за обнова на Ирак.
Ле Дриан беше во посета на Багдад во август минатата година.
[divide]
извор: МИА
Содржините кои ЦИВИЛ ги презема од други извори не подлежат на лиценцата Creative Commons 1.0, инаку вообичаена за содржините кои ги објавува оваа медиумска платформа. Ве молиме, консултирајте се со изворот за преземање на таквите содржини
