Categories

ГРАЃАНСКИ ОБЈЕКТИВ Ги подобри ли Законот за амнестија условите во затворите?

Поради лошите услови и пренатрупаност во македонските затвори се донесе Законот за амнестија. Пред речиси четири месеци во Кривичниот суд се поднесени вкупно 2.580 барања за амнестија. Но, дали се подобрија условите откако има помалку затвореници во затворите, засега јавноста не е информирана.

Единствено нешто што е познато е дека во неколку наврати се сменија директорите на казнено поправните установи, а дел од јавноста тоа го искоментира и доживеа како уште еден политички договор, наместо поставување на квалификуван кадар за таа позиција.  Во затворите сè уште умираат затвореници, а има и лица кои не добиваат содветна медицинска нега, зачестуваат тепачките помеѓу осудениците итн., информираат граѓански новинари кои сакаат да останат анонимни.

ЦИВИЛ – Центар за слобода, перманентно, ги следи човековите права и слободи и состојбата во македонските казнено поправни установи и се залага за почитување на правата и слободите на притворените лица и на осудените лица за време на издржување на затворски казни.

За жал, ситуацијата во Македонија во таа сфера не е воопшто подобрена, а на крајот на минатата и почетокот на годинава, секој месец во затворите имаше нов смртен случај! Реакциите од затворите и од установите во кои слободата на движење е ограничена, не стивнуваат.

ЦИВИЛ Медиа објавуваше бројни стории и колумни за очајната состојба во затворите и за, најблаго речено, контроверзните смртни случаи на осудени лица од ромска националност, во затворите во Скопје и во Штип, како и за борбата на нивните семејства за докажување на вистината околу причините за смртта.

Д. Муратов

Print Friendly, PDF & Email