(ГРАЃАНСКИ ФОРУМ) РЕАКЦИИ: Да си заминат, да кажат колкава е реалната инфлација, нема веќе пораки – ќе ги добиете на избори, им порачаа граѓаните на властите

На редовниот петочен граѓански форум, граѓаните повторно побараа од властите да си заминат, како и на претходните форуми. Не изостанаа ниту постојаните  повиците до властите да не лажат, да не крадат и да не си играат со иднината на народот.

ГРАЃАНСКИ ФОРУМ (ПРАШАЊЕ НА ДЕНОТ): Што сакате да им порачате на властите?

• Да престанат да крадат и лажат.

• Да си заминат, доста им беше власт.

• Да си одат што побрзо оти нема да биде добро и за нив ако останат подолго.

Ова се само дел од пораките кои во континуитет се повторуваат, односно, граѓаните се јасни и непоколебливи во однос на мислењето за властите.

Се повторуваат и пораките за зголемување на минималната плата во приватниот сектор, како и да се намалат маржите и цените во маркетите.

Граѓаните посочуваат дека она што властите го прикажуваат во однос на економските прилики, односно инфлацијата – не е реално, и бараат реален – транспарентен приказ.

Да кажат колкава е реалната инфлација. Минатата година ми остануваше од пензијата троа, сега и со 5000 плус, не стасува да го истерам месецот.

Во дел од пораките од читателите на ЦивилМедиа, тие им порачуваат на властите дека следните пораки ќе ги добијат – на избори, бидејќи не испорачале ништо од ветеното.

Се им е порачано досега, но тие не испорачаа ништо од ветеното. Нема веќе порачки, на избори ќе си ги добијат.

„Граѓански форум“ е простор во кој секој петок, како завршница на прашањата на денот,  граѓаните без задршки имаат можност преку коментари да испратат пораки, искуства но и критики до властите, институциите, политичарите, а според  досегашните одговори, тие тоа го прават на јасно артикулиран начин, со директни пораки и сугестии.

Редакцијата на ЦивилМедиа е отворена за граѓанките и граѓаните не само во петок, туку и секој ден од неделата, да споделат свои пораки, прашања, грижи  и искуства, било во коментари или во пораки, и им заблагодарува за довербата, отвореноста и директниот настап. Ве очекуваме секој ден, а во специјализиран простор – секој петок во Граѓанскиот форум.

Сите прашања на денот може да се најдат во рубриката ФОРУМ на интернет весникот ЦивилМедиа.

Д. Тахири