Комесарот на ЕУ за надворешна политики и безбедност, Жозеп Борел, соопшти дека, со посредство на Европска Унија, постигнат е договор меѓу Србија и Косово околу спорните прашања за употреба на личните документи за премин преку нивната заедничка граница.
„Имаме договор. Според Дијалогот со посредство на ЕУ, Србија се согласи да ги укине документите за влез/излез за имателите на косовски лични карти, а Косово се согласи да не ги воведува за имателите на српски лични карти“ – напиша Борел на својот Твитер профил.
We have a deal.
Under the EU-facilitated Dialogue, Serbia agreed to abolish entry/exit documents for Kosovo ID holders and Kosovo agreed to not introduce them for Serbian ID holders.
(1/2)
— Josep Borrell Fontelles (@JosepBorrellF) August 27, 2022
Србија е согласна да не им издава влезни и излезни документи за жителите на Косово, а за возврат Косово нема да воведе документи од тој вид за жителите на Србија.
„Косовските Срби, како и сите други граѓани, ќе можат слободно да патуваат меѓу Косово и Србија користејќи ги нивните лични карти. ЕУ штотуку доби гаранции од премиерот Курти за таа цел. Ова е европско решение. Им честитаме на двајцата лидери за оваа одлука и на нивното лидерство“ – напиша Борел.
Kosovo Serbs, as well as all other citizens, will be able to travel freely between Kosovo & Serbia using their ID cards. The EU just received guarantees from PM Kurti to this end.
This is a European solution. We congratulate both leaders on this decision & their leadership
(2/2)— Josep Borrell Fontelles (@JosepBorrellF) August 27, 2022
Прашањата околу регистарските таблички на возилата што, исто така, е дел од спорот меѓу двете земји, остануваат нерешени.