Седницата за конституирање на Собранието на Косово повторно не успеа по 36-ти пат. И овој пат, Комисијата за тајно гласање не помина, пишуваат косовските медиуми.
Во северот на косово запленето оружје кај политичарот Александар Арсенијевиќ, по кој трагаат косовските агенции за спроведување на законот, јавуваат медиумите.
Во продолжение се поместени содржините од денешниот редакциски избор на ЦивилМедиа од албанските медиуми во регионот.
КОСОВО
Репортери: Ниту 36-тиот обид за конституирање на Собранието не успеа, овој пат седницата траеше три минути
Седницата за конституирање на Собранието на Косово повторно не успеа по 36-ти пат. И овој пат, Комисијата за тајно гласање не помина, пишува Репортери.нет.
Додека во салата беа присутни 99 пратеници, само 53 од нив гласаа „за“. Само еден беше против, а немаше воздржани.
Другите партии, како што се ПДК, ЛДК, ААК и Листа Српска, не предложија членови за Комисијата за тајно гласање.
Следната седница ќе биде за 48 часа, во среда во 11:00 часот.
Панорама: Запленето оружје во северно Косово, министерот за внатрешни работи Џелал Свечла најави апсење на српски политичар
Вршителот на должноста министер за внатрешни работи на Косово, Џелал Свечла, во понеделник изјави дека агенциите за спроведување на законот и правдата трагаат по косовскиот српски политичар Александар Арсенијевиќ, откако полицијата пронашла оружје на еден од неговите имоти на северот од земјата еден ден претходно.
„Вчера беа претресени три имоти што му припаѓаат нему и на неговото семејство. Меѓу другото, пронајдена е опрема за рударство на криптовалути, што претставува царински прекршок, панцир и други работи, што покажува дека тој долго време е вмешан во криминал“, рече Свечла.
Тој рече дека Арсенијевиќ не е во Косово и дека агенциите за спроведување на законот го бараат.
Порано во понеделник, на Арсенијевиќ призна дека оружје е пронајдено на земјиштето каде што се наоѓа викендичката на нејзиниот лидер, иако тврди дека тоа било „поставено“ од косовските власти, пренесе Панорама.
Бота сот: Отфрлени тврдењата на Тачи дека случајот против спроведувањето на правдата требало да го покрене судскиот совет во случајот за воени злосторства
Специјализираните совети на Косово (ССК) во Хаг го отфрлија барањето за одбрана на поранешниот претседател Хашим Тачи, во кое се тврди дека случајот против спроведувањето на правдата требало да го покрене судскиот совет во случајот за воени злосторства.
Одлуката ја донесе на 19 јуни 2025 година судијката на претходна постапка, Марџори Маселот, која исто така го отфрли тврдењето на Тачи дека нејзиното назначување во овој случај е направено со кршење на Законот, објавува „Заклетва за правда“, пренесе Бота сот.
АЛБАНИЈА
Топ чанел: Албанска парада организирана во Њујорк, градоначалникот Ерик Адамс порача дека едвај чека да оди во Албанија
Во Њујорк се одржа албанска парада, на која присуствуваше градоначалникот Ерик Адамс.
Градоначалникот на Њујорк, Ерик Адамс, беше домаќин на претставници на албанската заедница во градот, носејќи на главата кече ( албанска капа) и црвено-црн шал.
„Мора да ја сакате Албанија повеќе од Америка“, рече тој со хумор, додавајќи дека неговиот син е исто така заљубен во Албанија и едвај чека да ја посети земјата, пренесе Топ Чанел.
КОЛУМНА
Коха: Можат ли 5-те проценти да го спасат НАТО?
„Паралелно со воената слабост на европските сојузници во НАТО, иднината на овој сојуз е оштетена и од политички несогласувања. Речиси и да нема криза околу која нема големи разлики меѓу земјите-членки.
Враќањето на НАТО кон единство околу основните вредности, заедно со зголемување на инвестициите во одбраната во вредност од 5% од БДП, би можело да ја спаси иднината на овој сојуз.“, пишува авторот Аугустин Палокај, во колумната „ Можат ли 5-те проценти да го спасат НАТО?“, објавена во косовскиот дневен весник Коха.
Подготви: Д. Тахири
