• Latest
Добро утро со Орданоски

Кога џукелите завиваат!

February 14, 2018
Фото: Скриншот од видео на Oneindia News

САД ја повикуваат Кина да го одврати Иран од затворањето на Ормутскиот теснец

June 22, 2025
Фото: Генерирано со ВИ

Мерц и Стармер го повикаа Иран веднаш да започне преговори со САД и Израел

June 22, 2025

Гроси свика за утре итен состанок на Меѓународната агенција за атомска енергија

June 22, 2025

Лојалност – награда – глупост

June 22, 2025
Фото: Скриншот

Евакуацијата на странски државјани преку аеродромот во Тел Авив засега е невозможна, соопшти Македонската амбасада

June 22, 2025
Фото: Скриншот од видео на 
BFBS Forces News

Моќта на американските Б-2 бомбардери во нападите врз нуклеарните цели во Иран

June 22, 2025
Фото: Креирано со помош на ВИ

вЛажните сновиденија на Александар Николоски

June 22, 2025
By USAF - www.af.mil, Public Domain (Wikipedia)

Иранците тврдат дека Фордо не претрпе значителна штета, МААЕ соопшти дека нема зголемена радијација надвор од нуклеарните објектите

June 22, 2025

📅 САД-Иран-Израел, од преговори до бомбардирање: Хронологија на настаните, 12 април – 22 јуни

June 22, 2025

Трамп: Фордо го нема – од „прозорец за дипломатијата“ до бомбардирање – за 48 часа

June 22, 2025
CivilMedia
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
CivilMedia
No Result
View All Result
Home СЛОБОДНА ЗОНА ДОБРО УТРО СО ОРДАНОСКИ

Кога џукелите завиваат!

February 14, 2018 07:30
in ДОБРО УТРО СО ОРДАНОСКИ, СЛОБОДНА ЗОНА
Добро утро со Орданоски

Добро утро со Орданоски

Share on FacebookShare on Twitter

пишува: Сашо Орданоски

Господинот Марјан Цветковски е реизбран за генерален директор на МРТВ, со одлука на Програмскиот совет на јавниот радиодифузер. Новиот мандат ќе му трае уште три години, иако на таа функција се наоѓа од 2012 година. Со тоа, мислам дека овој ТОТАЛЕН анонимус ќе стане човекот со најдолг директорски мандат во историјата на македонската, некогашна државна, па потоа јавна радио-телевизија, основана во далечната 1944 година. Наздравје.

Голема е веројатноста дека за него никогаш не сте слушнале, доколку не сте член на раководството на партијата на Никола Груевски или ако, баш, не сте вработен во МРТВ. Да ви наредам десет фотографии за негово распознавање, претпоставувам, а и речиси сум убеден дека ни на слика не би го препознале.

Значи, за човекот кој ќе наврши десетина години раководење со најважниот дел од медиумскиот систем во државата Македонија, од ослободувањето до денес, ниту сте слушнале, ниту, пак, знаете како изгледа.

Не се тревожете – нема зошто да го знаете, со ништо не се прославил. Ако протарашкате малку на интернет, ќе дознаете дека за него се врзуваат главно некакви афери: наводно, дечкото нагло се стекнал со голем недвижен имот во последните десетина години; го третираат како еден од најлојалните послушници и слепи извршители на режимот на Груевски; вршел притисоци врз вработените, во „оние“ времиња, да се излегува на протести против Заев и СДСМ; се озборува како еден од главните оперативци на ТВ Нова на Сеад Кочан (да, да, истовремено со функцијата и платата во МРТВ!); а го има и како прима некаков орден од Иванов… Значи, сè некакви шибицарски безвезарии. Тотален НОУБАДИ!

Е, тој, доби уште три години мандат, по изминатите шест, да раководи со МРТВ, врз основа на поднесена тригодишна програма за работа, што беше услов во распишаниот конкурс за избор. По три години и нови 40 милиони евра од Буџетот на државата подоцна, ќе има право и на реизбор, уште три години. Груевски ќе може вода да му носи, до тогаш дури и Хорхе ќе биде заборавен во некој овоштарник во Валандово!

А сега малку „готвачки специјалитети“ од новинарските кујни: ако се во право моите добро упатени извори, реизборот на г. – како се викаше, бе?… – Цветковски, наводно, е резултат на „договор“ (?!) меѓу СДСМ и ВМРО-ДПМНЕ (?!), со согласност на „меѓународниот фактор“ (?!), за тој да остане на таа функција до усвојувањето на новиот Закон за медиуми, што ќе треба да се случи до крајов на годинава, а потоа, со бирањето на нов Програмски совет на МРТВ, чиј реизбор ќе се пропише во новиот закон, би се одело и на бирање на нов генерален директор, за да може г. – како се викаше, бе?… – Цветковски малку да здивне по напорното раководење со ТВ Нова. Пардон, со МРТВ.

Мене ако ме прашувате, г. – како се викаше, бе?… – Цветковски ќе си остане на челната функција на МРТВ полни три, нови години. Побрзо ќе биде дека оваа Влада на г. Заев ќе падне од власт, пред да се гласа каков било нов закон за медиуми, одошто дека некаков нов Програмски совет на МРТВ ќе бира некаков нов директор на МРТВ.

Единствената среќа во несреќа е што, трагично, под сигурното раководство на старо-новиот генерален директор чие име постојано го заборавам, гледаноста на програмите на МТВ ќе продолжи да биде помала од гледаноста на ТВ Шутел, а за слушаноста на Македонското радио не знам, бидејќи ТВ Шутел не емитува радиска програма.

Што би рекол Грамши, живееме во време во кое старото си замина, а новото сè уште не може да се воспостави – е, во тој временски „празен простор“ нашиве џукели сè уште завиваат. Којзнае што добро ќе излезе од тоа.

 


Преземањето на оваа содржина е дозволено само по 12 часот, на денот на објавувањето. Потоа, важат вообичаените правила според лиценцата Creative Commons 1.0.

Print Friendly, PDF & Email
Tags: ГруевскидиректорМедиумиМРТВпослушникПрограмапропагандаџукела
Share542Tweet21Send

НАЈЧИТАНИ 5

  • Фото: Принтскрин од емисијата „Бизнис 21“ на ТВ21

    Славески: Мизерно е да ме прашувате за мојата плата од 3.000 евра, никој не ме прашува за гладувањето во САД додека студирав

    512 shares
    Share 205 Tweet 128
  • Кога премиерот те тужи, тоа не е лична пресметка, туку политички притисок!

    94 shares
    Share 38 Tweet 24
  • Во оклопот на вмро, Македонците се желки на трката во Спа Франкоршамп

    93 shares
    Share 37 Tweet 23
  • Лаги

    91 shares
    Share 36 Tweet 23
  • Напад со „валкана бомба“: Можен следен потег на Иран против Израел

    91 shares
    Share 36 Tweet 23

CIVIL MEDIA NEWSLETTER

Check your inbox or spam folder to confirm your subscription.

CivilMedia

СЛОБОДНО.НЕЗАВИСНО.ОТВОРЕНО

  • ЗА НАС
  • ИМПРЕСУМ
  • КОНТАКТ
  • АВТОРСКИ ПРАВА
  • Политика на приватност
  • МАРКЕТИНГ

Следете нè

No Result
View All Result
  • ДОМА
  • ВЕСТИ
  • ПОЛИТИКА
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
  • ДЕЗИНФО
  • ФОРУМ
  • ГРАЃАНСКА АКЦИЈА
  • МАРКЕТИНГ
  • ИМПРЕСУМ