Директно и без штедење на критичкиот тон, се анализираат и коментираат сите клучни настани и личности во земјата, регионот и светот, во најновото издание на КОЛЕГИУМ во продукција на медиумската платформа на ЦИВИЛ.
Влијанието на новите тарифи што ги најави администрацијата на американскиот претседател Доналд Трамп врз светот и врз македонската економија, ги анализираат Драган Мишев и Марија Тодоровска.
Џабир Дерала ги коментира лидерската средба, блокадата на евроатлантските процеси, и изјавата на премиерот Христијан Мицкоски за синдикатите, кога што изјави дека владата не може да биде добра за сите, но дека е добра за огромното мнозинство.
Дестан Јонузи и Диана Тахири зборуваат за „лидерската средба“ меѓу шефот на ВМРО-ДПМНЕ и првиот социјалдемократ, Венко Филипче. Во дискусијата се вклучува и Дерала.
Следи анализата од Дехран Муратов кој го анализира криминалното опкружување на Мицкоски.
Биљана Јордановска направи анализа на скандалот со цијанид во Тораничка и Крива Река.
Тахири го коментира развојот на настаните во БиХ, особено во поглед на претседателот на Република Српска, Милорад Додик, неговата посета во Москва, како и за одбивањето на Интерпол да издаде црвена потерница по него.
На самиот почеток на КОЛЕГИУМ-от, Јордановска го најави најновото издание на ЦИВИЛ „Одбрана на демократијата и човековите права – извештај и препораки“. Публикацијата е на англиски јазик и опфаќа обемен документ за политики, со препораки и стратешки насоки за борба против дезинформациите и хибридните закани, јакнење на демократските институции, граѓанското општество и медиумите, и решително спротивставување на авторитаризмот, воените агресии и ултрадесничарските тенденции.
Учествуваат (по редослед на појавување): Џабир Дерала, Биљана Јордановска, Драган Мишев, Марија Тодоровска (Нова), Дестан Јонузи (Прес онлајн; Фронтлајн), Диана Тахири, Дехран Муратов
Монтажа и реализација: Ариан Мехмети
