Премиерот Димитар Ковачевски денеска остварил средба со претседателката на Европската Комисија, Урсула фон дер Лaјен, во Братислава и ја потенцирал заложбата на Владата за исполнување на реформите во клучните поглавја од пристапниот процес во ЕУ.
-Притоа, Ковачевски се заблагодари за поддршката од Европската Комисија и партнерскиот однос во секоја фаза од процесот. Ковачевски доби уверување од Фон дер Лајен, дека ЕУ останува да биде пријател и партнер на Северна Македонија и дава силна поддршка на постигнувањето политички консензус за уставните измени, во корист на земјата и регионот. Во таа насока, беше изразено очекување дека сите политички чинители во земјата ќе ја препознаат важноста на моментот за иднината на земјата и ќе делуваат во корист на европската интеграција на Северна Македонија, се вели во владиното соопштение.
Инаку, двајцата ја потврдиле и посветеноста и ангажманот на Европската Унија за интеграција на земјите од Западен Балкан, истакнувајќи дека со тоа позитивно се влијае врз политички процеси и реформската агенда, стабилноста, безбедноста и економскиот просперитет на нашите општества
