„Уникатниот вкус на македонските земјоделски производи, храна и вино, кои се произведуваат на оваа наша сончева земја, се нешто по кое што сме единствени и високо ценети во светот“ рече премиерот Димитар Ковачевски на Вториот национален саем за храна и пијалаци во Скопје.
Тој додаде дека изложените производи на саемот се вистинската слика за нашата македонска земја и за нашата традиција.
„Традиционални производи, кои од генерација на генерација се пренесувале, се чувале и се усовршувале. Но, го задржале единствениот наш македонски вкус- вкусот на традицијата“ рече Ковачевски.
Премиерот додаде дека високиот квалитет на македонската храна е баран, а тоа е благодарение на нашата плодна почва и поднебје, на многуте сончеви денови, и пред се на вредните раце на нашите земјоделци.
„Тоа е резултат на долги години земјоделска, сточарска, лозарска, овоштарска традиција, која посветено се пренесувала од генерација на генерација, тука во срцето на Балканот“ рече Ковачевски.
