Премиерот Димитар Ковачевски на маргините на Минхенската безбедносна конференција имаше средби со претседателката на Евроспката комисија Урсула Фон дер Лајен, со германскиот канцелар Олаф Шолц, со генералниот секретар на НАТО Јенс Столтенберг и со доскорашната претседавачка на Претставничкиот дом на САД Ненси Пелоси.
– Срдечна средба со претседателката на Европската Комисија, Фон дер Лејен. Уште еднаш ја потенциравме важноста Северна Македонија што побрзо да стане членка на ЕУ. Нашите пријатели од ЕУ нé поддржуваат и помагаат во реформските процеси на земјата. Европскиот пат на земјите од Западен Балкан е важен за стабилност на регионот, безбеден и просперитетен живот, што нашите граѓани го заслужуваат, објави Ковачевски на својот фејсбук профил.
– Дискутиравме за неопходноста од забрзување на евроинтегративните процеси, кои се важни за безбедноста и стабилноста на регионот. Германија е наш безрезервен поддржувач и значаен партнер при интегрирањето на нашата држава во ЕУ, напиша Ковачевски.
– Една година по воената агресија врз Украина НАТО е обединет како никогаш досега во поддршката на Украина и ќе ја поддржува сè додека е потребно. Во оваа насока беа пораките на панелот. По обраќањето на генералниот секретар на НАТО, Јенс Столтенберг, му пренесов дека Северна Македонија е целосно посветена во градењето на партнерства за одржување на безбедноста во Европа и секако на Западен Балкан, посочува Ковачевски.
– На панелот потпретседателката се осврна евроатлантската обединетост која е посилна од било кога, иако трети страни се обидуваат таа обединетост да ја растурат, како и на Евроатлантизмот, кој се додека е жив, САД ќе бидат присутни во Европа. Потпретседателката Харис се осврна на годишнината од бруталната инвазија на Русија и порача дека Киев нема да падне. Во своето обраќање потпретседателката се заблагодари на сите НАТО членки за силното евроатлантско партнерство во Алијансата, наведува премиерот Ковачевски на ФБ.
Премиерот Ковачебски на Минхенската безбедносна конференција се сретна и со Ненси Пелоси, како што посочува, голема пријателка на нашата земја, при што се заблагодарил за нејзината долгогодишна поддршка и придонес кон стратешкото партнерство меѓу САД и Северна Македонија.
Во рамки на Минхенската безбедносна конференција, премиерот Димитар Ковачевски учествуваше на затворена панел дискусија посветена на европската интеграција на земјите од Западниот Балкан. Заедно со други лидери и високи претставници од регионот, претставници на невладината и академската заедница, учесниците разговараа за предизвиците и можностите на евроинтеграцискиот пат.
Премиерот Ковачевски заедно со вицепремиерот Бојан Маричиќ остварија средба и со претставникот на ЕУ за Западен Балкан, Мирослав Лајчак. На средбата се говореше за неопходноста од забрзување на процесот за интеграција на земјите од Западен Балкан во ЕУ, со приоритет на Северна Македонија.
Ковачевски: Финска и Словенијa со поддршка за што побрзо членство на Северна Македонија во ЕУ
Премиерот Димитар Ковачевски во својот Фејбук профил објави дека на Минхенската безбедносна конференција се сретнал и со финската премиерка Сана Марин и претседателката на Словенија Наташа Пирц Мусар.
-Со финската премиерка Сана Марин и претседателката на Словенија Наташа Пирц Мусар говоревме за вредностите и принципите на Алијансата кои придонесуваат во регионалната безбедност и зацврстување на единството во НАТО. Брзата европска интеграција на земјите од Западен Балкан е исто така важнa за економската безбедност и стабилноста во Европа.
