Руските власти се обидуваат да ја принудат американската компанија Гугл да престане со работа во земјата, продолжувајќи да и изрекува казни, се вели во извештајот на Институтот за проучување на војната (ISW) со седиште во Вашингтон, пренесува Укринформ.
Забележано е дека на 14 ноември, Московскиот магистратски суд го казни Гугл со 15 милиони рубљи (околу 165.745 долари) поради неуспехот да ги локализира личните податоци на руските граѓани во Русија.
Рускиот државен цензор Роскомнадзор бара странски услуги базирани на интернет да ги локализираат базите на податоци на руски корисници од 1 јули 2021 година, а руските судови претходно го казнија Google со 15 милиони рубљи во јуни 2022 година поради непочитување на овој закон.
Според извештајот, руската влада претходно забрани одредени западни социјални мрежи и побара од Google да ги отстрани „лажните информации“ за руската војна во Украина на почетокот на 2022 година.
„Руската влада најверојатно има за цел да ги принуди Русите да користат пребарувачи и други интернет услуги на руски компании кои владата може да ги контролира подобро од меѓународните ентитети како Google“, се вели во извештајот.
Како што објави „Укринформ“, судот во Русија го казни „Гугл“ затоа што не ги отстранил наводните лажни информации за војната во Украина од целосен обем.
Д. Мишев
