Меѓународниот фестивал на поезија и уметност „Крик на жената“ (Woman Scream) ќе се одржи на 28 март, на неколку локации во Скопје.
Фестивалот, како дел од Женското поетско интернацинално движење (Mujeres Poetas Internacional MPI), своите почетоци ги има во Доминканската република, координирано, на светско ниво од Жоел Урибе, претседател на МПИ. Во Македонија фестивалот се одржува по втор пат, а координаторки се Оливера Доцевска од здружението „Јустиција“ и поетесата Елена Пренџова.
Поети, уметници, активисти од целиот свет, преку „Крик на жената“, се обидуваат да ја пренесат пораката за поголема почит кон жената, со кревање на гласот против насилството на жените, со јакнење на самодовербата и борбата за родова рамноправност.
Оваа година својата несебична поддршка за фестивалот ја дадоа Цивил – Центар за слобода, Фондацијата Елена Лука, Fashionel, МКЦ Клуб ресторан, МКЦ, уметничко студио „Фантаст“, Budnost.mk, Македонската платформа против сиромаштија, Tурското здружение „Нова ѕвезда“, „Јустиција“, ХЕРА и здружението ЕСЕ.
Во програмата од 19 до 20 часот во во Клуб ресторанот на МКЦ, ќе се одржи поетско читање со Џабир Дерала, Елена Пренџова, Дијана Петкова, Д.А. Лори и Оливера Доцевска.
Фестивалот „Крик на жената“ се организира во повеќе од 50 земји во светот од 2011 година, со повеќе од 600 успешни координирани настани, со цел промовирање на меѓународно ниво на поезијата и на уметноста. Во соопштението на организаторите се вели дека фестивалот не е во прилог на радикалните верувања и тендеции против мажите, туку за заедничка соработка и поддршка на мажите во промовирање на женските права.
Биљана Јордановска
