Поранешниот советник на министерот за внатрешни работи на Украина и основач на Институтот на иднината, Антон Герашченко, на платформата Х oбјави видео од интервјуто на генералниот секретар на НАТО, Марк Руте дадено вчера за „Фокс њуз“, во кое тој упати жестоки критики кон рускиот министер за надворешни работи Сергеј Лавров за неговите неодамнешни коментари за наводниот колапс на Алијансата, изјавувајќи дека досега „ништо корисно не излегло од неговата уста“.
NATO Secretary General Mark Rutte:
“Lavrov is the foreign minister of Russia, I think, since the birth of Jesus Christ. And since then, nothing, anything useful came out of his mouth. So let’s not pay too much attention to Mr. Lavrov.” pic.twitter.com/wLooJ6ruXm
— Anton Gerashchenko (@Gerashchenko_en) July 2, 2025
„Лавров е министер за надворешни работи на Русија, мислам, од времето на Исус Христос. И ништо корисно не излезе од неговата уста оттогаш. Затоа, да не му обрнуваме премногу внимание на г-дин Лавров“, рече Руте.
Коментирајќи ја изјавата на Лавров кого го нарече ирелевантен, Руте го пофали она што го нарече големо достигнување во надворешната политика на американскиот претседател Доналд Трамп и неговата администрација во обезбедувањето зголемување на трошоците за одбрана на НАТО.
Критиките на Руте доаѓаат откако пред неколку дена, Лавров, од кого беше побарано да ги коментира изјавите на неговиот полски колега Радослав Сикорски, кој предвиде колапс на режимот на Путин како резултат на сегашната трка во вооружување, изјави дека значителното зголемување на буџетите за одбрана на членките на НАТО може да доведе и до колапс на Алијансата.
Драган Мишев
