Христијан Мицкоски – ВМРО-ДПМНЕ се појави во Собраниети откако опозицијата не успеа да обезбеди кворум за седницата за гласање недоверба на Владата и остана без пратеникот Кастриот Реџепи од Беса. На прашање од новинарите дали ќе се најде друг пратеник на местото на Реџепи, Мицкоски не одговори, туку го спореди пратеникот со Амди Бајрам, кој своевремено оневозможи да ѝ се изгласа недоверба на некогашната влада на ВМРО-ДПМНЕ, Демократската алтернатива и ДПА.
„За современиот, нека му е лесна земја, Амди Бајрам?“, рече Мицкоски и влезе во собранието.
Кастриот Реџепи од Беса денеска не се појави да гласа во Собранието, со што предизвика збунетост и нервози кај опозициските пратеници кои преку иницијатива за гласање недоверба на актуелната влада, денеска дојдоа во Собранието. Реџепи се огласи на својата Фејсбук страница, со образложение дека му биле испратени силни сигнали од високи дипломатски претставници, дека во декември земјата најверојатно има големи шанси да добие датум за отпочнување преговори за членство во ЕУ, решил да не учествува на собраниската седница на која требаше да се донесе одлука со која ќе се доведе во прашање оваа витална национална и државна цел.
