Службите на Министерството за внатрешни работи работеа вчера и работат денеска за да им пружат услуга на граѓаните кои ја изгубиле личната карта или таа им е оштетена или украдена, за да може да си го остварат правото на глас.
Од МВР реагираат на вчерашната изјава од канцеларијата на Народниот правобранител дека – „е апсурд тоа што им се издава документи на граѓаните кога тие повторно нема да имаат можност да го остварат своето гласачко право, бидејќи избирачкиот список е заклучен на 9 септември“.
Портпаролот на МВР, Тони Ангеловски, за ЦИВИЛ Медиа вели: „Избирачкиот список е заклучен на почетокот на септември и од тогаш во периодот од скоро два месеци до денеска има граѓани кои ја изгубиле или оштетиле личната карта или пак им е украдена, а ги има на избирачкиот список и сакаат да го остварат своето право на глас, Токму за да им се овозможи на овие лица да извадат нова лична карта и да го остварат своето право на глас, службите на МВР работат и денеска“, истакна Ангеловски.
Ангела Петровска