Потпаролот на ВМРО-ДПМНЕ, Иво Котевски, за медиумите ги потврди вчерашните зборови на неговиот лидер, Никола Груевски, дека партијата не ги признава изборите, но и дека нема причина зошто да ги вратат освоените пет мандати.
„Не постои причина зошто би ги враќале мандатите градоначалниците од ВМРО-ДПМНЕ кои победија и во вакви услови, бидејќи на тој начин само би му се помогнало на Заев и на СДС во узупрација на нивната волја и реализација на нивниот план за обезбедување на целосна власт и моќ за да може полесно да тргуваат со националните интереси“ рече тој.
„ВМРО-ДПМНЕ не ги признава резултатите на криминалните избори бидејќи волјата на граѓаните во голема мера беше украдена со закани, притисоци, поткуп и со злоупотреба на институциите, но не постои причина градоначалниците на ВМРО-ДПМНЕ што победија да ги враќаат мандатите, особено во вакви услови бидејќи на тој начин само би им се помогнало на Заев и на СДС во узурпација на нивната волја и во реализацијата на нивниот план за обезбедување целосна власт и моќ за да може полесно да тргуваат со националните интереси“, вели Котевски.
Котевски истакна дека доколку изборите се одржале во макар минимум фер и демократска атмосфера, резултатите ќе беа поинакви и во име на партијата побара предвремени парламентарни избори.
„Најдобра проверка на сите овие факти може да добиеме на предвремени избори, кои би се организирале по пржинскиот модел, односно избори во кои ќе постои контрола врз злоупотребата на државниот апарат во партиски цели“, рече Котевски.
