Економски форум во Полска, 3 септтември 2025
СЛОБОДАТА НА ПЕЧАТОТ е под опсада: Со растечкото влијание на дезинформациите, пропагандата и говорот на омраза, политичкиот пејзаж се менува. Наместо да се бараат мерки за поголема регулација на платформите, борба против говорот на омраза и програми за медиумска писменост – се бара ограничување на правата на слободниот печат, поголем притисок врз новинарите, а отсуствува и поддршката на медиумите во ерата на дигиталната трансформација. Но без независни медиуми и новинарство, европските граѓанки и граѓани се изложени на дезинформации и хибридна војна од Русија и други актери, без противтежа: Нашата слобода ја бранат независните новинари.
Ние, потписниците, ги повикуваме сите европски влади, национални парламенти, Европскиот парламент и Европската комисија да одолеат на популистичкиот притисок и заплашувања, и да ја зајакнат медиумската слобода низ Европа. ЕМФА и анти-SLAPP законите се важни чекори во вистинска насока, но мора да бидат придружени со долгорочна и одржлива посветеност на заштита на независните медиуми и обезбедување на нивната отпорност.
Потписниците на оваа заедничка изјава изразуваат длабока загриженост за претстојните парламентарни избори во Чешката Република во октомври. Земјата ризикува да го следи загрижувачкиот пример на Унгарија и Словачка, каде популистичките движења ја ограничуваат слободата на медиумите и ги поткопуваат граѓанските слободи. Мораме да го одбраниме ова суштинско право – темел на либералната демократија – против ваквите напади со непоколеблива посветеност на медиумската слобода. Источна Европа се чини дека е на чело на оваа алармантна тенденција, што ја прави уште поитна потребата сите европски земји да застанат заедно во поддршка на демократијата и отпор на популистичките напади. Ги повикуваме и другите организации низ Европа да ја поддржат и засилат оваа изјава, придружувајќи ни се во одбраната на слободата на медиумите и демократските вредности.
Одбраната на медиумската слобода не е доволна. Мораме да преземеме конкретни чекори за изградба на темели на вистински функционален европски медиумски пазар. Ова бара силна регулација на платформите и вистински дигитален суверенитет – вклучувајќи развој на европски пребарувачи, социјални мрежи и друга дигитална инфраструктура независна од влијанието на милијардерите од Силиконската долина, Комунистичката партија на Пекинг или автократите од Кремљ.
Медија дијалог (Media Dialogue)
Германска унија на новинари (Deutscher Journalisten-Verband, DJV)
Нов европски форум на народите (New European People’s Forum)
Глобална иницијатива за одбрана на демократијата (Defending Democracy Global Initiative)
Вестминстерска алијанса за Украина (Westminster Alliance for Ukraine)
ЦИВИЛ – Центар за слобода
Погледнете ја специјалната епизода од подкастот ПОГЛЕД КОН ДЕМОКРАТИЈАТА (EYES ON DEMOCRACY)
