Во Одеса загинаа луѓе во магацин со храна за училишта и градинки. Во Кијив, болничкиот персонал евакуираше луѓе од зграда во пламен. Во Запорижја, меѓу повредените во ударите врз станбени згради имаше и деца. Нападите продолжија и во неделата, со нови удари врз електромрежата и железницата.
Во неделниот биланс од рускиот терор што го објави на 15 ноември, украинскиот претседател Володимир Зеленски соопшти дека Русија употребила повеќе од 2.300 ударни дронови, 1.590 наведувани авиобомби и 15 ракети. Во нападите во ноќта кон 15 ноември и во текот на утрото, според него, беа повредени 16 лица.
This past week alone, Russia has used more than 2,300 attack drones, 1,590 aerial bombs, and 15 missiles of various types against Ukraine. Brutal strikes that are difficult to counter. Overnight and into this morning, the Russians targeted energy infrastructure in Zaporizhzhia and the Sumy, Odesa, Zhytomyr, and Kirovohrad regions. Railway infrastructure in the Dnipro, Kharkiv, and Zaporizhzhia regions also came under attack. Russia also carried out strikes on the Donetsk and Kyiv regions. Sixteen people have been reported injured.
The Russians are targeting substations with “shaheds.” And many of these strikes are getting through because restrictions on the operating speed of Starshield terminals along the front line and in the temporarily occupied territories are still there. Our interceptor drones lose connection with their operators at a speed of 161 kilometers per hour (100 miles per hour) and simply cannot catch up with Russian jet-powered “shaheds.” We are counting on these restrictions being lifted. The protection of lives and Ukraine’s energy infrastructure ahead of winter directly depends on this. The teams of the Ministry of Foreign Affairs, the Ministry of Defense, and the Presidential Office have been instructed to work as closely as possible with the American side and SpaceX. It is important to be on the right side of history. It is essential to help Ukraine. Thank you to everyone who supports our defense.
— Volodymyr Zelenskyy / Володимир Зеленський (@ZelenskyyUa) November 15, 2026
9–14 ноември: Погодени магацин, пазар, домови и болница
На 9 ноември, три лица загинаа во нападот врз магацинот со храна во Одеса, а една жена беше тешко повредена. Ноќта кон 10 ноември, во пресрет на преговорите меѓу Украина, Русија и САД во Абу Даби, руските сили погодија пет големи трафостаници. Во Виничката област загинаа две лица. Истиот ден, руски дрон погоди приградски воз на станица во Суми. Немаше повредени, соопшти украинската железничка компанија.
На 11 ноември, во удар врз пазар во центарот на Чорноморск загинаа најмалку четири лица, а осум беа повредени, според регионалните власти. Ноќта кон 12 ноември, во напад со дронови и балистички ракети врз Кијив загина едно лице, а седум беа повредени, соопшти градската воена управа.
Ноќта кон 13 ноември, остатоци од руски дрон предизвикаа пожар во Институтот за трауматологија и ортопедија во Кијив. Персоналот евакуираше 30 луѓе, а спасувачите извлекоа уште седум. Истиот ден, во ударите врз станбени згради во Запорижја беа повредени 50 лица, меѓу кои осум деца. Спасувач загина при расчистувањето на урнатините.
На 14 ноември, во нов напад врз Запорижја беа повредени 15 лица, меѓу кои две деца. Оштетени се станбена зграда и образовна установа. Во северниот дел на Одеската област, удар врз енергетски објект на ДТЕК остави речиси 50.000 жители без струја.
15 ноември: Нови напади врз енергетиката и железницата
Според украинските Воздухопловни сили, Русија во ноќниот напад лансирала 132 дронови. Противвоздушната одбрана соборила или потиснала 106, а погодоци биле регистрирани на 20 локации. Зеленски соопшти дека биле нападнати енергетски објекти во пет области и железнички објекти во Днипропетровската, Харкивската и Запоришката област.
Во Чорноморск беа повредени шест лица, од кои пет се хоспитализирани. Оштетени се станбени згради, гасовод и енергетски објект. Околу 41.000 корисници во Одеската област привремено останаа без струја. „Укренерго“ воведе итни исклучувања и во делови од Запоришката и Днипропетровската област.
Дир: ПВО и Starshield се неопходни пред зимата
Украинската амбасадорка во Северна Македонија, Лариса Дир, во објава на X напиша:
„Само за една недела рф лансираше над 2300 дронови, 15 ракети, 1590 авиобомби против 🇺🇦 Ноќеска повторно ја нападна енергетиката и железницата. Повредени се 16 лица. рф со дронови цели кон трафостаници. ПВО и Starshield се неопходни за заштита на животите и енергетиката пред зимата“
Само за една недела рф лансираше над 2300 дронови,15 ракети, 1590 авиобомби против 🇺🇦
Ноќеска повторно ја нападна енергетиката и железницата. Повредени се 16 лица. рф со дронови цели кон трафостаници. ПВО и Starshield се неопходни за заштита на животите и енергетиката пред зимата https://t.co/iWbkiBkd30— Larysa Dir (@dir_larysa) November 15, 2026
Зеленски предупреди дека ограничувањата на сателитскиот систем за комуникација Starshield го отежнуваат пресретнувањето на руските дронови. Тој повика на укинување на ограничувањата и ги задолжи украинските институции да работат со САД и со компанијата SpaceX. „Од ова директно зависи заштитата на животите и на украинската енергетика пред зимата“, порача Зеленски.
ОПСЕРВАТОРИЈА ЗА ВОЕНИ ГЕОПОЛИТИЧКИ ПРАШАЊА (WGO) | ЦИВИЛ
Топлина за Украина: Повик за помош на амбуланта во близина на фронтот
