Демократските членови на Конгресот се спротивставија на очигледниот обид на администрацијата на Трамп да ја спои Американската агенција за меѓународен развој (УСАИД) со Стејт департментот, што го доведува во прашање финансирањето на програмите за помош ширум светот, вклучително и милијарди долари развојна помош за Украина, објави Радио Слободна Европа/Радио Либерти.
Конгресмените се собраа пред седиштето на УСАИД во центарот на Вашингтон на 3 февруари за да го критикуваат, како што рекоа, „незаконски маневар“ на извршниот директор на Tesla и SpaceX, Илон Маск, кој беше задолжен од претседателот Доналд Трамп да ја намали федералната влада.
Конгресмените, исто така, протестираа против извештаите дека на вработените во УСАИД им било наредено да не се јавуваат на работа и дека биле заклучени од владината електронска пошта и сметките и го обвинија Маск за мешање во програмите за странска помош на САД, додека неговите компании, вклучително и SpaceX, продолжуваат да добиваат договори со Пентагон.
„Не може да се поправи“ – тврдиТрамп во поддршка на Маск кој има за цел да ја затвори УСАИД.
Американскиот претседател Доналд Трамп го назначи државниот секретар Марко Рубио за вршител на должноста администратор на УСАИД, се вели во соопштението објавено на 3 февруари. Објавата дојде набргу откако сојузникот на Трамп, Илон Маск, тврдеше дека ја имал поддршката на претседателот во затворањето на агенцијата.
„Илон Маск е ужасен претседател“, објави Тим Валц, гувернер на Минесота и кандидат на неуспешната демократска претседателска кандидатка Камала Харис, алудирајќи на она што некои го гледаат како преголемото влијание на милијардерот во новата администрација.
УСАИД, примарна агенција за странска помош на владата на САД, финансира програми за глобално здравје, пристап до чиста вода, енергетска безбедност и граѓанско општество. Од целосната инвазија на Русија на Украина, УСАИД обезбеди 2,6 милијарди долари хуманитарна помош, 5 милијарди долари развојна помош и преку 30 милијарди долари директна буџетска поддршка за Киев.
Потегот на администрацијата ефективно ја замрзна сета странска помош за најмалку 90 дена, стопирајќи ги проектите финансирани од УСАИД ширум светот додека администрацијата врши ревизија.
Драган Мишев
