„Лидери сме во регионот кога станува збор за искористеноста и имплементацијата на ИПАРД програмата. Од 2007 до 2015 година се спроведуваше ИПАРД 1 од која исокристивме едвај 19 отсто од 60 милиони евра. Од јуни 2017 до денес се имплементира ИПАРД 2 за која имаме склучено договори за 98 отсто од износот“ рече министерот за земјоделство, шумарство и водостопанство, Љупчо Николовски на трибината „ЕУ за развој на македонското земјоделство“ во Прилеп.
Тој додаде дека потпишани се вкупно 2369 договори за ИПАРД 2 што е повеќе од Албанија, Србија и Црна Гора заедно.
„Ги упростивме процедурите и ги доблоижвиме мерките и покажавме дека ова не е филозофија и демагогија туку бројки и факти. ИПАРД инвестиции има во секое населено место во земјата“ рече Николовски.
Министерот додаде дека токму поради добрата искористеност, за ИПАРД 3 наместо 60 милиони евра, Европската комисија ни додели 97 милиони евра неповратни средства.
„Е тие кои се против уставните измени и кои сакаат да печалат дневнополитички поени и не сакаат да погледнат подалеку не ѝ мислат добро на државата бидејќи се против овие пари во македонското земјоделство“ рече Николовкси.
