Десетици луѓе загинаа и се повредени во синоќешното гранатирање на градот Запорижја на југоистокот на Украина, соопшти утринава штабот на украинските вооружени сили.
„Во текот на ноќта руските окупатори цинично ги нападнаа станбените згради и цивилната инфраструктура“, објави Централната воена команда на својата Фејсбук страница, додавајќи дека има повеќе загинати и повредени.
Претходно, вршителот на должноста градоначалник на Запорижја, Анатолиј Куртев, извести дека во ноќниот напад на градот биле убиени седумнаесет лица.
Zaporizhzhia tonight. The Russians fired missiles at residential buildings. The number of victims remains unknown. #UkraineRussiaWar pic.twitter.com/m0SC0H4HPq
— Ostap Yarysh (@OstapYarysh) October 9, 2022
Според првичните податоци, уништени се пет куќи, а 50 се оштетени, рече Куртев, пренесе „Индекс“.
Ројтерс не можеше независно да ги потврди информациите од бојното поле. Градот се наоѓа на 125 километри од најголемата европска нуклеарна централа под руска контрола.
Киев и Москва меѓусебно се обвинуваат за гранатирање на објект под контрола на Украина, кој оштетил згради и се заканувал со нуклеарна катастрофа.
