Извршната институција на Европската унија воведе ново правило кое забранува виртуелни асистенти базирани на вештачка интелигенција да учествуваат на нејзини состаноци. Ова правило беше применето за првпат на повик со претставници од мрежа на канцеларии за поддршка на дигитални политики низ Европа, претходно овој месец. „Не се дозволени ВИ агенти“, стоеше на слајд со етикета за е-состаноци при почетокот на презентацијата.
Комисијата потврди дека го вовела ова правило минатата недела, но одби да даде дополнителни детали за политиката и причините за таа одлука.
Ова е необичен пресврт во новиот развој на технологијата за вештачка интелигенција: подемот на таканаречените „ВИ агенти“. Најпопуларната примена на ИИ досега се чини дека се чет-ботови како ChatGPT на OpenAI, кои можат да генерираат текст или информации или да извршат една единствена задача кога ќе им се даде команда од човек. Но, ИИ агентите ја поместуваат таа граница: тие се асистенти што можат самостојно да извршат неколку задачи и да се движат во виртуелната средина. Тие делуваат во име на корисниците за да спроведат низа задачи кои им помагаат на луѓето во работата или секојдневниот живот, пишува Политико.
Една од тие задачи е да се приклучат на онлајн состанок, да водат белешки или дури и да пренесат одредени информации.
Технологијата беше спомната во поширокиот пакет на Комисијата за виртуелни светови објавен на 31 март.
„ВИ агентите се софтверски апликации дизајнирани да ја перцепираат и да комуницираат со виртуелната средина,“ стои во текстот. Агенти може да „делуваат самостојно“, но нивната работа е одредена според „одредени однапред дефинирани правила“.
Водечки компании за ВИ веќе експериментираат со свои апликации за ИИ агенти. Компании како OpenAI, Microsoft и Mistral веќе развиваат вакви агенти. OpenAI го претстави “Operator”, Microsoft ги интегрира агенти во Copilot.
Досега, технологијата не е опфатена со специфично законодавство, но ИИ моделите кои ги напојуваат агентите ќе треба да се придржуваат до обврзувачкиот ВИ акт на ЕУ.
Технологијата, исто така, би можела да биде во фокус кога Комисијата ќе истражува можност за специфично законодавство за алгоритамско управување – идејата дека вработените се управувани од алгоритми – подоцна во овој мандат, се вел иво прилогот на Политико.
