ОЧЕКУВАНО: Трамп ја обвини Украина дека ја започнала војната и застана на страната на Путин

ДРАГАН МИШЕВ

Откако лажно ја обвини Украина за започнување на војната со Русија, ставајќи се директно на страната на воениот злосторник Путин, американскиот претседател ги повтори повеќето од барањата на Кремљ во преговорите, тврдејќи дека по разговорите со Русија во Саудиска Арабија, во кои Кијив не беше вклучен,  тој сега е поуверен дека може да се постигне мировен договор со Украина.

Тој сугерираше дека Кијив е виновен за војната што започна дури откако Русија ја нападна Украина, повторувајќи по којзнае кој пат дека  доколку тој бил претседател кога избила војната, ќе се погрижел Украина да добие се што сака.

Американскиот претседател сега вели дека е „разочаран“ поради поплаките на Украина дека е замрзната од дискусиите, откако Украинскиот претседател Володимир Зеленски изјави дека е „изненадување“ што неговата земја не била поканета на разговорите

Трамп, исто така, сугерира дека Украина „можеше да направи договор“ порано.

Обвинувањата на Трамп доашаат откако украинскиот претседател Володимир Зеленски одби да го потпише нацрт-договорот со кој Доналд Трамп побара „отштета од 500 милијарди долари“ од Украина,
и предвидува целосна економска контрола на САД врз украинските пристаништа, инфраструктурата, нафтата, гасот и другите ресурси и 50% од приходите од екстракција на ресурси на Украина и половина од вредноста на новите лиценци издадени на трети страни, како и право на приоритет за купување извозни минерали.

На овој начин, Трамп реши да наметне репарации не на агресорот, туку на нападнатата земја! Навистина, зошто да се борите со силните кога можете да земете од слабите!
Во исто време, додека  Трамп изјавуваше дека разговорите со Русија поминале добро, и дека  „Русите сакаат војната да заврши“, руските воени злосторници ја нападнаа Одеса со балистички ракети и беспилотни летала, при што дел од градот остана без струја, откако беше погоденаа енергетската структура на градот, а оштетени се и болници, станбени згради.

Истовремено, започна оркестриран напад врз украинскиот претседател Зеленски на социјалната мрежа Х, во сопственост на поддржувачот и десната рака на Трамп, милијардерот Илон Маск.

Текстот е личен став на авторот