Вториот круг од локалните избори во Македонија, според извештајот на ОБСЕ/ОДИХР, беше конкурентен, но не изостана почитувањето на основните слободи кон спроведување на демократски избори.
Според ОДИХР, медиумите и во вториот круг обезбедија избалансирано покривање на натпреварувачите, иако беше засенето од негативното рекламирање на кампањата.
Во соопштението се наведува дека и покрај недоволните одредби за обука на вработените во избирачките места, денот на изборите беше професионално управуван во целост. Владејачката коалиција го одобри гласачкиот изборен процес, додека главните опозициски партии изјавија дека нема да ги признаат резултатите, наведувајќи ги наводно раширените повреди пред и на денот на изборите.
“Партиите се бореа за поддршка надвор од нивните традиционални основи за поддршка, иако повремено користеа агресивна реторика и имаше извештаи за изолирани инциденти на злоупотреба на државните ресурси и за купување гласови”, рече амбасадорот Одри Гловер, шеф на набљудувачката мисија за избори на ОДИХР, на денешната прес конференција, додавајќи дека почитувањето на основните слободи е причина за спроведување на демократски избори.
Шеесет и осум кандидати од осум партии, како и двајца независни, што учествуваа во вториот круг во 35 општини, според нивниот извештај, ги редизајнирале своите кампањи за насочување на неопределените гласачи.
Амбасадорката Гловер ја пренесе и загриженоста дека ваквите кампањи потсетуваат на проблемите во доменот на одвојување на партиите од државата, нешто што ЦИВИЛ го посочи уште на самиот почеток на кампањата.
“Правната рамка претставува здрава основа за спроведување на демократски избори. Иако повеќето одредби од Изборниот законик се применуваа за вториот круг, истиот не ги одредува и регулира јасно одредени аспекти од изборниот процес”, додаде амбасадорката Гловер.
” И покрај тоа што Државната изборна комисија ја зголеми транспарентноста на својата работа помеѓу двата круга, сепак, немаше соодветен план за дополнителна обука, едукација на гласачите и финансиска поддршка за општините чии буџетски сметки беа блокирани. Сепак, комисиите за избирачките места, генерално, добро напредуваа денот на изборите “, беше заклучокот на ОДИХР.
Забелешки беа упатени и до системот на обработка на приговорите, што според ОДИХР бил централизиран. На тоа укажува одбивањето на сите 46 приговори што беа разгледани по првиот круг.
Критики беа упатени и до законот кој не предвидува ажурирање на избирачките списоци помеѓу круговите, со што се врши ефикасно обесхрабрување на гласачите кои наполниле 18 години во овој период.
Б. Ј.