Олха Данилиук, новинарка, Волина Газета, Украина на панелот „Историјата и иднината на бескомпромисна посветеност на демократијата, човековите права и медиумските слободи“, на Конференцијата „Одбрана на демократијата и човековите права“, 12 декември, 2024 Скопје.
Се соочуваме со многу прагматични проблеми, тоа е нешто со кое се соочуваме секој ден и не се работи за теорија. Се соочуваме со проблеми со демократијата и закани за медиумите во реалниот живот, со реални проблеми кои ги гледаме секојдневно, како што споменав претходно, со психолошки стрес, очигледно недостаток на кадар и слично.
Би сакала да спомнам и за недостигот на финансии, бидејќи јас сум новинарка на западни, северозападни локални медиуми, и на пример, би споделила со вас дека имаше студија во 2023, 2024 година од страна на Фондацијата за развој на медиуми. Ова е украински центар за развој на независни локални медиуми и тие посочија дека локалните медиуми во западна и централна Украина добиваат помала финансиска поддршка од регионите во првите редови.
Исто така, во нашите медиуми размислувавме што можеме да направиме затоа што на пример, само 45% од приходите на локалните редакции во западните региони на Украина имаат средства од донатори и тие очигледно можат да работат слободно и независно и во споредба со 73 регионални медиуми во северна Украина, 87 во јужна и 93 во источна Украина, што е очигледно бидејќи овој регион најмногу настрада од руската окупација, од руската инвазија, ракетни напади и така натаму.
Но, ова е многу лоша споредба, според мене, бидејќи цела Украина очигледно многу страда на различни начини од војната со која се соочуваме денес, и поради недостаток на финансии, се создаваат новинарски пустини, а тоа значи дека луѓето во одредени региони немаат пристап и не можат да дознаат ниту да сфатат што се случува.
Што се медиумски пустини? Мислам дека сите знаете овде дека медиумските пустини се кога луѓето во одредени региони немаат слободен пристап до информациите, па затоа се изолирани.. Тие не знаат што се случува, и на пример, северните делови на нашиот регион што граничат со Белорусија, немаат слободен пристап до украинските медиуми. Луѓето таму мораат да слушаат белоруска пропаганда…
Исто така, би сакала да споделам дека Украинците се соочуваат со ужасни злосторства против човештвото, ужасни злосторства против нашата демократија, во текот на две години и девет месец, и уште на почетокот на руската целосна инвазија на Украина, во Украина беа извршени 762 злосторства против новинари и медиуми, а исто така од почетокот на руската војна во полн обем, 329 украински медиуми се затворени, според неколку студии на украински невладини организации кои ги поддржуваат независните локални медиуми.
Д. Т.
Камера: Атанас Петровски/ Игор Чадиновски
Монтажа: Ариан Мехмети
Фотографија: Роберт Атанасовски- ЦИВИЛ
КОНФЕРЕНЦИЈА, ЦЕЛОСНО ВИДЕО, емитувано во живо на 12 декември, 2024:
https://youtube.com/live/1f2Eo1ZXEQ0
ФОТО АРХИВИ: #DefendingDemocracy, Панел 1: Демократијата под опсада
https://www.facebook.com/media/set/?set=a.994398716055531&type=3
#DefendingDemocracy, Панел 2: Подемот на крајно десничарскиот национализам
https://www.facebook.com/media/set/?set=a.995019619326774&type=3
#DefendingDemocrcy Панел 3: Спротивставување на авторитаризмот
https://www.facebook.com/media/set/?set=a.995771969251539&type=3
#DefendingDemocracy Панел 4: Посветеност кон демократијата
https://www.facebook.com/media/set/?set=a.996548069173929&type=3
#DefendingDemocracy Конференција (севкупно)
https://www.facebook.com/media/set?set=a.993726732789396&type=3
#DefendingDemocracy – работилница и средба со медиумите
https://www.facebook.com/media/set/?set=a.992924672869602&type=3
#DefendingDemocracy ПРЕС КОНФЕРЕНЦИЈА
За повеќе информации за Конференцијата, посетете ја специјалната страница DefendingDemocracy
