Обединета македонска дијаспора не остана должна во своето мониторирање на случајот „преговори за името“, па излезе со соопштение од нивното, со особено внимание, следење на изјавите по средбата на „државниот врв“ во саботата.
По разгедување на предлозите на медијаторот Нимиц, секој од присутните државници, Иванов, Димитров, Заев, Мицевски и Ахмети дадоа свое видување од поминатите 5 ласа зад затворени врати.
Познато е дека ОМД смета дека има конфликт на интерес во функцијата што Нимиц ја извршува, како и нивно несогласување со разговорите што ги водеа премиерите на Македонија и Грција во Давос.
„Во отсуство на декларативно изјаснување на Претседателот Иванов, Премиерот Заев и Претседателот на ВМРО-ДПМНЕ Мицковски, за тоа дека не се разговара за идентитетот и јазикот на нацијата, туку само за разрешување на билатералниот спор што Грција го има со Република Македонија, ОМД смета дека е целосно неодговорна реториката употребена во изјавите на сите учесници“, стои во соопштението.
Меѓудругото, според анализата на ОМД, учесниците потфрлиле пред јавноста да го афирмираат и потврдат ставот дека идентитетот и јазикот на народот не се предмет на тековните разговори со Грција и дека всушност се разговара единствено во рамките на Привремената спогодба на ОН – односно изнаоѓање решение за билатералниот спор како ќе ја ословува Грција, Македонската држава во меѓусебните односи.
„Со тоа ОМД смета дека средбата создаде сомнеж за не-дословно почитување на Уставот на Република Македонија. ОМД цврсто стои на ставот дека треба да се прекинат сите разговори со Грција и да се започне процедура за заведување на Република Македонија во Обединетите Нации под уставното име“, се вели во соопштението.
Истовремено, ОМД заедно со другите Македонски организации како ко-организатори на движењето #НиеCмеМакедонија им се заблагодарува на сите Македонците ширум светот за учеството на мирните собири и ги повикува на продолжување и интезивирање по масовност мирните собири низ државите во кои живеат Македонците.
