Унгарскиот премиер Виктор Орбан честитајќи му го враќањето на американскиот претседател Доналд Трамп во Белата куќа, најави офанзива за „окупирање“ на Европскиот парламент.
Честитки до претседателот Доналд Трамп на неговата инаугурација како 47-ми претседател на Соединетите Американски Држави! Сега е наш ред да блеснеме! Наш ред е да го окупираме Брисел! објави Орбан на социјалната мрежа Х.
„Со ова ја започнувам втората фаза од офанзивата која има за цел да го окупира Брисел“, додаде Орбан
Congratulations to President @realDonaldTrump on his inauguration as the 47th President of the United States of America!
Now it’s our turn to shine! It’s our turn to occupy Brussels! pic.twitter.com/PyhfyoyTrP
— Orbán Viktor (@PM_ViktorOrban) January 20, 2025
Извршните наредби потпишани од претседателот Доналд Трамп ќе ги трансформира не само САД, туку и целиот свет. Бунтот против разбудената либерална демократија влезе во нова фаза. Дојде време патриотските сили да го окупираат Брисел!, напиша Орбан на Х.
The executive orders signed by President @realDonaldTrump will transform not only the US, but the entire world. The rebellion against woke liberal democracy has entered a new stage. The time has come for patriotic forces to occupy Brussels! @PatriotsEU @PatriotsEP pic.twitter.com/qylj4LLrjT
— Orbán Viktor (@PM_ViktorOrban) January 21, 2025
Орбан, националист кој ги критикуваше санкциите на Европската унија кон Русија и одржува блиски односи со Москва и покрај нејзината инвазија на Украина, е меѓу најистакнатите европски популисти кои ја изразија својата поддршка за Трамп.
Трамп постојано ја промовираше поддршката на Орбан во кампањата, забележува Си-ен-ен, дури и ја забележа за време на претседателската дебата во септември. Трамп, исто така, беше домаќин на унгарскиот лидер во неговиот клуб Мар-а-Лаго во март и декември.
Многу од европските популисти се надеваат дека враќањето на Трамп – трансатлантскиот сојузник кој ги промовира истите конзервативни христијански вредности и го дели нивниот презир кон прогресивната политика – ќе помогне да им служат на нивните интереси дома и дополнително да ја нормализираат нивната антиимигрантска реторика на прво место.
Драган Мишев
