На пленаран седница денеска во собранието на дневен ред е интерпелацијата на претседателот Африм Гаши. Овој настан ќе го одбележи денот независно од одлуката која ќе ја донесат пратениците.
Цивил Медиа следејќи ја темата, го поставува прашањето колку е издржано барањето на Левица за интерпелацијата на Гаши.
ПРАШАЊЕ НА ДЕНОТ: Што мислите за иницијативата на Левица за интерпелација на претседателот на Собранието Африм Гаши
Како што соопшти Левица на прес конференцијата на 6 август, барањето за интерпелација на Гаши се состои во седум точки и тоа, наводно, за повреда на секуларноста на државата, повреда на дипломатските правила (случајот Вјоса Османи), повреда на употребата на македонскиот јазик во Собранието, присуството на знамињата на НАТО и ЕУ во пленарната сала, непотизам (патувањето на сопругата на Гаши со него во Вашингтон), и повреда на деловнички одредби.
Анонимност
Јасно е дека некои прашања се деликатни, така што, освен во коментари, секогаш постои можноста да се биде анонимен, па одговорите на Прашањето на денот да се даваат анонимно, во порака на месинџер или на другите онлајн контакти на ЦИВИЛ.
Редакцијата ЦивилМедиа ги повикува сите засегнати да споделуваат и коментираат. Најдобрите одговори, вклучително и анонимните, ќе бидат објавени во посебен прилог.
Редакција ЦивилМедиа
