ВЕСТ НА ДЕНОТ: Чешко МНР за ДВ: Заклучокот е штетен за процесот на проширувањето на ЕУ
Чешка е длабоко разочарана што не беше одобрена Преговарачката рамка за Северна Македонија со која требаше формално да започнат пристапните преговори со ЕУ. Од чешкото МНР за Дојче веле, сепак, објаснуваат дека немаат намера да дозволат да бидат усвоени заклучоците со делот за „погрешното толкување на историјата“ на кој инсистираше Бугарија, а претседавачот Германија ги предложи. Притоа, оттаму велат дека и други држави-членки на ЕУ изразиле загриженост поради заклучоците, пишува Дојче веле.
„Чешката Република отсекогаш била постојан поддржувач на политиката на проширување во последните 16 години. Тоа не се промени со оваа одлука. Сепак, по внимателно разгледување, не можевме да дадеме согласност за нацртот презентиран за одобрување“, велат во Прага.
ИЗЈАВА НА ДЕНОТ: Алт: По ветото на Бугарија, приговорите на Чешка и Словачка испраќаат поразителен сигнал во правец на Западниот Балкан
„Тоа што Чешка и Словачка уверуваат дека се пријатели на проширувањето, тешко може да се сфати сериозно со оваа позадина. На овој начин процесот на пристапување станува чиста фарса, што исто така ја зголемува и поделбата во ЕУ. По ветото на Бугарија, приговорите на Чешка и Словачка испраќаат поразителен сигнал во правец на Западниот Балкан. Оние земји кои се смеат на сето ова се Кина и Русија, чии шанси да го зголемат влијанието во регионот веројатно никогаш не биле поголеми“, изјави пратеничката на опозициските Либерали (ФДП) и членка на парламентарниот комитет за надворешни работи на германскиот Бундестаг, Рената Алт.
ЦИВИЛНИ АКТИВНОСТИ
Изборни реформи – стари проблеми со нови предизвици
Анкета: Граѓаните знаат да живеат заедно, политичарите се виновни за етничките поделби
ФЛЕШ ВЕСТИ
Вицепремиерот задолжен за европски прашања Никола Димитров утрово учествуваше на состанокот со еврокомесарот за проширување Оливер Вархеји, на кој со колегите од регионот разменија информации за состојбата и подготвеноста за набавка на вакцините против Ковид-19, како и за плановите за реализација на вакцинација на приоритетните групи.
Нема рокови за тоа до кога граѓаните ќе може да ја потрошат ффнансиската помош обезбедена со четвртиот сет мерки на Владата, која треба да им биде исплатена на сметките, изјави министерот за економија Крешник Бектеши.
Државната комисија за спречување на корупцијата „со иднигнација и во целост“ ги отфрла, како што се наведува, искажаните обвинувања и паушални наводи објавени од страна на поранешниот претседател на Република Северна Македонија Ѓорѓе Иванов кон претседателката на Комисијата, Билјана Ивановска.
Инспекциите во Скопје вчера затвориле четири објекти – три се угостителски кои работеле по 21 часот, а интервенирано е и во јога-студио каде што казната не е за пречекорување на работното време, туку за групирање повеќе луѓе на едно место.
Инспекциските служби кои вршат надзор и контрола на почитувањето на протоколите кои ги носи Владата ќе ги интензивираат контролите на терен за да придонесеме за одговорно прославување на претстојните празници, изјави претседателката на Инспекцискиот совет, Магдалена Филиповска-Грашкоска. На редовна прес-конференција за работата на инспекторите, таа соопшти дека седумте инспекциски служби од 7 до 16 декември спровеле вкупно 6944 надзори и контроли.
Нови даноци нема да има и стапките кои во моментов се на сила остануваат. Што се однесува до данокот на имот и промените што се предложени и се влезени во собраниска процедура, се работи за намера, односно цел да биде активиран недвижниот имот во Република Северна Македонија, кој не е активиран во моментот.
СЛОБОНА ЗОНА
„Нашиот напор да отвориме преговори за зачленување во ЕУ станува драма што не можеше сосема да се предвиди. Бугарската влада, според сите евро-атлантски реакции (речиси без значаен исклучок) толку ја оплеска не само заради ветото кон Македонија (а и Албанија), туку уште повеќе и заради недоделканите „историски“ причини за тоа вето, што во Брисел вчера се случи европски преседан: Чешка и Словачка – во заедничко соопштение на нивните министри за надворешни работи! – го спречија донесувањето на Заклучоците на Советот за проширување, предложени само ден порано“, пишува Сашо Орданоски во колумната „Искршен порцеланот во кабинетот на г-жа Захариева“.
„Да ви раскажам едно стрипче што го објавија Научниците за ЕУ на својата Фејсбук страница. Првата табла од стрипот носи наслов „Податоци“ и на неа има десетина расфрлени кругчиња. На втората, „Информации“, некои кругчиња се обоени во сива, а некои во зелена боја. На третата, „Знаење“, кругчињата со различни бои (информации) се меѓусебно поврзани во одредена схема. Четвртата е со наслов „Разбирање“, каде што две кругчиња на различни страни светат. На петтата табла, со наслов „Мудрост“, се гледа патека од светлина која ги поврзува двете најсветли точки. Шестата носи наслов „Теорија на заговор“, а кругчињата се поврзани во еднорог“, пишува Џабир Дерала во колумната „Податоци, знаење, мудрост… Еднорог!“.
