Во Кривичниот суд денеска продолжува судењето на обвинетите за обидот за убиство на пратеникот Зијадин Села, што се случи на 27 април минатата година во Собранието на Република Македонија.
На претходното рочиште на 18 април сведочеа Александар Стојкоски, поранешен пратеник, а сега доктор на Клиниката за радиологија во Скопје, и новинарот Горан Трпеновски. Рочиштето тогаш беше привремено прекинато откако му се слоши на Никола Војневски, еден од десетината обвинети во овој предмет.
За обидот за убиство на Зијадин Села на 27 април минатата година обвинети се Кире и Цеко Ѓорѓиевски, Оливер Ошавковски, Саша Сенков, Николче Димитриевски, Александар Јаневски – Тошта, Андреј Мицов, Никола Војминовски, Коста Делов и Стојан Павловски – Кобра. Обвинетите за обид за убиство на пратеникот Зијадин Села на претходите рочишта се изјаснија за невини.
Извор: МИА
