Водителот на една ТВ со национална концесија, го прашува гостинот: „Техничкиот премиер денеска е во Приштина, често оди таму, додека според информациите што ги добиваме таму зборувал на албански јазик и покрај тоа што тој е премиер на Македонија. Мислите ли дека со ова го крши законот?“
За тоа дали ова прашање има потенцијал да предизвика етничка нетрпеливост, односно дали овој начин на комуникација е проблематичен, особено во медиумите, побаравме мислење од комуникологот проф. Сефер Тахири за улогата на медиумите и за тоа што треба да промовираат.
„Ваквите прашања поттикнуваат етничка нетрпеливост и имаат тенденција да го зголемат интензитетот на отфрлање на јазикот на „другиот“. Овој тип на новинарство, со сензационалистички и кликбејт цели, е спротивно на улогата и професионалната обврска на новинарството, а тоа е промовирање на концептите на меѓуетничка и меѓукултурна кохезија, како основа за стабилно општество“, вели Тахири.
Според него, новинарите мора да бидат одговорни и свесни дека мора да создаваат мостови на комуникација а не да бидат нивни поткопувачи.
„Бидејќи употребата на албанскиот јазик од страна на премиерот за време на неговата посета на Косово е нормална, бидејќи се работи за јавни изјави и секој политичар има право да зборува на јазикот познат и почитуван од домаќинот, додека официјалната комуникација во меѓународните односи е посебно регулирана со законите на земјата“.
Креирањето на јавното мислење е критичен процес во секое општество, бидејќи тоа влијае на одлуките, ставовите и постапките на луѓето. Претпазливоста во креирањето на јавното мислење е клучна за изградба на здраво општество каде што се ценат различностите, се почитуваат правата на луѓето и се поддржуваат демократските вредности.
Н. Абдурахмани
