Влада на Република Македонија, оваа сабота, на 14 јули, организира голема граѓанска прослава, во 15 градови ширум земјата, со преку 40 домашни артисти и музичари, по повод поканата за членство во НАТО и датум за преговори со ЕУ.
„Македонија започнува нова приказна – добивме покана за членство во НАТО и датум за преговори со ЕУ. Застануваме рамо до рамо со најсилните земји од Европа и светот. Македонија зачекорува во ново време. Време на надеж, на победи, на гордост. Време на сигурност и безбедност“, стои во настанот на Фејсбук.
Во Скопје, ќе се одржи централната прослава, во градскиот парк и ќе настапат Кирил Џајковски, Архангел, Këpurdhat, со почеток од 21 часот.
Во другите градови низ Македонија, ќе настапат Muhamed Ibrahimi, Шутка Рома Рап, PMG Kolektiv, Фолтин, Слаткаристика, Ферус Мустафов, Кристина Арнаудова, Нокаут, Владо Јаневски, Адриан Гаџа, Лозано, Исмаил Лумановски, Дуке Бојаџиев, Горан Кан, Flooder, Dejan Dex, Big Mama, Дани Димитровска, High Control, Shpat Kasapi, Ареа, Fecky Farris, ДНК, Елена Ристеска, Лепи Џони, Баклава & special guest King Naat Velinov, Conquering Lion, Blla Blla Blla, С.А.Ф., Maci Stojanovic, Ерик Фокс, Бени Нон Стоп + Златко Ориѓански, Чалгија Саунд Систем и Љубојна.
К. С.