Велика Британија, Франција и Канада го предупредија Израел дека ќе преземат „конкретни акции“ ако продолжи со „скандалозното“ проширување на воените операции во Газа, и ја повикаа израелската влада „веднаш да дозволи хуманитарна помош да влезе во Газа“
Претходно Израел објави дека дозволил пет камиони на ОН што носат хуманитарна помош, вклучувајќи храна за бебиња, да влезат во Газа по 11-неделна блокада, што за ОН е само „капка во морето “.
Редакцијата на ЦивилМедиа, вчера во редовниот термин за „Прашање на денот“, го постави прашањето: Што мислите за израелската војна во Газа?
Најголем број граѓанки и граѓани во своите одговори го осудуваат Израел и велат дека тоа не е војна, туку геноцид.
Војна е војска против војска, таму се убиваат со авиони, дронови тенкови, бродови ненаоружани изнемоштени изгладнети деца, жени, старци, каде не функционира ниедна болница, за каква војна пишувате, тоа е истребување на еден измачен народ, човештвото го достигна дното, срам за западот и за целиот свет
Мислите на геноцидот?
Тоа не е војна геноцид на палестинскиот народ жално
Геноцид врз цивилно население, глад и убивање на цивили и обид за етничко чистење
Некои сметаат дека на агресијата треба да се одговори со агресија.
Израел треба да го снема од лицето на земјата засекогаш, инаку не е војна кога масовно убиваш деца со плански подготвени масакри
А има и такви кои и по пет месеци од доаѓањето на Трамп во белата куќа сé уште мислат дека Бајден е претседател на САД:
Прашај го Бајден, ама гледам заболел сериозно, а можи и Сорос тој сигурно знајт
Редакцијата на ЦивилМедиа, ги охрабрува граѓанките и граѓаните да дадат свои одговори, пораки и сугестии на прашањата на денот. ЦИВИЛ и е простор во кој секогаш можат да се обратат со свои прашања, коментари, споделување искуства, критики или пофалби.
Сите прашања на денот може да се најдат во рубриката ФОРУМ на интернет весникот ЦивилМедиа.
М. Д.
