Министерот за одбрана на Украина, Олексеј Резников апелира да не се споделуваат информации за оружјето коешто другите држави ѝ го даваат на Украина. Непријателот не треба да знае што да чека. Нека биде непријатно изненадување за него, вели тој.
Во апелот, министерот за одбрана Резников вели:
Воено-политичките власти на државата водат интензивни преговори со нашите партнери, насочени кон доделување поддршка за одбрана на Украина.
Министерството за одбрана работи на свое ниво, да вклучи материјално-техничка поддршка и да соработува со комерцијални дистрибутери.
Воено-техничката соработка е исклучително чувствителен домен, каде јавните коментари треба добро да се земат предвид. Особено, за време на војната. Во оваа смисла, Ве повикувам да не споделувате информации за оружје, кои ѝ го даваат на нашата земја. Ве молам, не ги коментирајте овие податоци, тоа е најголема надлежност на функционерите. Ја разбирам вашата подготвеност да споделите добри вести, но понекогаш тоа може да создаде информативен фронт, што има негативно влијание врз исходот. Тоа може да го отежни процесот на добивање дополнителни капацитети од страна на нашите вооружени сили. Тоа може да резултира со загуби, кои можеме и мораме да ги избегнеме!
Сите информации кои може да бидат споделени по координација со нашите партнери, ќе бидат нужно и навремено споделени. Непријателот не треба да знае што да чека. Нека биде непријатно изненадување за него.
Се надевам на вашето разбирање. Слава на Украина!“, пишува Резников во апелот.
