Дејан Ристов, активист од Велес, во интервју за ЦИВИЛ Медиа, зборуваше за борбата на активистите слободно да се изразат преку аргументирана критика без да претрпат било какви последици. Со Ристов разговаравме и за слободните медиуми и за притисоците и заканите со кои се соочил.
На прашањето што за него претставува слободата на говор и медиумските слободи, и во тој контекст, активизмот, Ристов изјави дека сѐ додека тоа што го носиш во себе можеш да го изразиш без да се плашиш од санкции тогаш може да се зборува за слободата. Во таа борба за слободата активизмот, според Ристов, е клучен.
„На еден специфичен начин преку герила акции ја критикувавме претходната власт, асе надевам дека критиката нема да изостане и кон сегашната власт доколку има реални основи и ако тоа го заслужи“, изјави Ристов.
Притисоците не изостанувале, како што вели Ристов, но тој успеал да остане имун и да ги минимизира само на социјалните мрежи без последици.
„Едноставно општеството треба да биде слободно, преку граѓаните, граѓанските новинари, медиумските работници… Апелирам до сите уредници и газди да им дадат целосна слобода на медиумските работници како предуслов за едно демократско општество“, истакна Ристов.
Биљана Јордановска
Камера: Дехран Муратов
Овој проект е финансиран од Европската Унија преку програмата за мали грантови „Заштита на слободата на медиумите и слободата на изразување во Западен Балкан“ спроведена од Здружението на хрватските новинари, како дел од регионалниот проект „Регионална платформа на Западен Балкан за слобода на медиумите и безбедност на новинарите”, спроведена преку партнерство на шест регионални новинарски здруженија – Здружение на независни новинари на Србија, Здружение на новинари од Босна и Херцеговина, Здружение на новинари на Хрватска, Здружение на новинари на Косово, Здружение на новинари на Македонија и Синдикатот на медиуми на Црна Гора.
