САД воведоа санкции на кинеската воена агенција и нејзиниот директор поради набавката на воена опрема од Русија. Санкциите се воведени врз основа на актот усвоен во 2017 година во САД наречен „Акт на борбата против американските противници преку санкции“.
Претставници на Стејт департментот соопштија дека веднаш воведуваат санкции за кинескиот Оддел за опрема и развој кој го следи развојот на технологијата во областа на одбраната во Кина, а поради вклученост во „значајни размени“ со главниот руски извозник на оружје Рособоронекспорт.
Администрацијата на американскиот претседател Доналд Трамп наведе и 33 лица и субјекти кои се поврзани со руската војска и разузнавачката служба, додавајќи ги на списокот лица на кои им се воведени санкции. (МИА)
