„На почетокот на целиот овој процес ветивме дека овој пат во Македонија прво ќе инсистираме да има обезбедени услови за фер и демократски избори, а дури потоа ќе обезбедиме договор за датум на изборите. Тоа овој Договор го обезбедува. Дополнително ветивме дека сите еднострани потези коишто ги повлече Владата на ВМРО-ДПМНЕ и ДУИ ќе мора да ги повлечат. Тоа исто така го обезбедува овој Договор“, изјави претставничката на СДСМ на денешните преговори, Радмила Шекеринска
„Владата договорена во Пржино, Владата којашто има за цел да организира фер и демократски избори ќе се врати, а Законот за внтарешни работи којшто беше голем проблем во преговорите ќе биде одложен до следната година
Ваквиот развој на настаните и ваквиот договор обезбедува услови Македонија да заврши со оваа криза, којашто ни однесе многу време, многу енергија и да обезбеди услови за фер и демократски избори. Сите договорени услови за обезбедување фер и демократски избори, вклучително балансиран и целосен пристап на сите учесници кај медиумите, чистење на Избирачкиот список, учество во преодна Влада којашто ќе организира вакви избори, политичките партии ќе треба да ги потврдат на средба којашто ќе се организира на крајот на август.
Република Македонија ќе добие фер, демократски избори на коишто одлуката ќе ја носат граѓаните на Република Македонија. Така и само така нашата држава ќе излезе од криза.
Со ова ќе ставиме крај на овие неколку кризни години во живеењето на Република Македонија, но во исто време, ќе ставиме крај на криминалното владеење на Груевски“, изјави Шекеринска за медиумите, по постигнувањето на денешниот договор.
