Се зголеми бројот на жртви во пожарот во Кочани, меѓу загинатите е и поранешниот играч на Горица Андреј Лазаров , кој имаше 25 години, а неговиот клуб објави дека починал по херојски чин, откако се отрул од чадот спасувајќи ги другите од пожарот.
Поранешен фудбалер на Горица и Рудес починак во болница откако бил повреден во пожарот на концерт во Кочани.
Лазаров кој по потекло е од Кочани, за Горица во првата лига има настапувано 14 пати, од кои осум сезонава. За Рудеш одигра 13 натпревари на кои постигна еден гол, а неодамна го напушти ХНЛ во македонскиот клуб Шкупи, пренесува хрватскиот портал Индекс.хр.
Претходно денеска Шкупи на социјалните мрежи објави дека неговиот живот е надвор од животна опасност, а истата информација ја донесоа и македонските новинари кои контактираа со семејството на фудбалерот. Меѓутоа, подоцна објавија дека тој починал.
Меѓу загинатите е и младиот струмичанец Горги Горгиев (24), тапанар на групата ДНК, која синоќа настапуваше во дискотеката „Пулс“ во Кочани. Веста се прошири на социјалните мрежи, а ја потврдија брат му Димитар и градоначалникот на Струмица, Костадин Костадинов.
Според последните неофицијални информации кои ги споделуваат нивните пријатели на социјалните мрежи, животот во пожарот во „дискотеката“ во Кочани го загубија и пејачот на ДНК, Андреј Георгиевски, и пратечкиот вокал, професорката на ФМУ, Сара Пројковска.
View this post on Instagram
Во страотниот пожар што ја зафати дискотеката „Пулс“ животот го загуби и Александар Коларов, гитаристот на ДНК, кој е четвртиот член на бендот кој починал.
Во пожарот во дискотеката „Пулс“ во Кочани загина и клавијатуристот на ДНК и директор на Центарот за култура „Ацо Шопов“ во Штип, Филип Стевановски, потврдија негови блиски. Неговиот автомобил е сѐ уште покрај дискотеката. Стевановски беше музичар, професор во Средното музичко училиште „Сергеј Михајалов“ во Штип.
Како што изјави министерот за внатрешни работи Панче Тошковски, животот го загубил полициски службеник од ПС Пробиштип, кој во моментот бил службено ангажиран, односно постапувал по претходно изготвен план за контрола на угостителски објекти во делот на недозволена трговија со дрога и присуство на малолетници во дискотеката, во која изби пожарот.
Најголем дел од настраданите во дискотеката во Кочани загинале како последица на стампедо предизвикано од паниката по избувнувањето на пожарот во дискотеката, изјави директорката на општа болница со проширена надлежност Кочани, Кристина Серафимова. Во паниката сите се втурнале кон единствениот излез од дискотеката, што довело до трагедија. Загинатите и повредените се на возраст помеќу 16 и 24 години.
Текстот се апдејтира како пристигнуваат нови информации за жртвите.
Д. Мишев
