Русија е главната меѓународна закана за безбедноста на Шведска, а нејзините непријатели во странство може да се обидат да го искористат зголемениот ризик од екстремистичко насилство од исламистите и екстремната десница, соопшти денеска Шведската служба за безбедност и разузнавање (СЕПО).
– Сите ние треба да научиме да живееме со сериозната безбедносна ситуација, изјави директорката на СЕПО, Шарлот фон Есен.
Таа денеска го претстави годишниот извештај за заканите со кои се соочува Шведска откако ја напушти својата традиционална неутралност и поднесе барање за членство во НАТО по руската инвазија на Украина.
– Пред сè Русија, но и Кина и Иран продолжуваат да бидат најголемата закана за Шведска и тие дејствуваат, и во извесна смисла дејствуваат заедно, за да го променат сегашниот безбедносен систем, наведе фон Есен.
Во август минатата година, СЕПО го зголеми својот официјален рејтинг за закана од тероризам на четири од три од можните пет по неколку инциденти, вклучително и јавно палење на Куранот во Шведска и соседните земји кои предизвикаа гнев кај муслиманите ширум светот и станаа причина за исламистичките закани.
