Во ова издание на КОЛЕГИУМ на ЦИВИЛ, со уредниците на ЦивилМедиа, и блиските соработници од повеќе редакции – Фронтлајн, Нова, Прес онлајн, и Глобус магазин се отвораат клучните теми во земјата, регионот и светот.
0:00 – Не прифаќам некој да покажува со прст кон другите, а не поседува интегритет, храброст и доблест да се соочи со сопствената одговорност. Не прифаќам некој да ми држи лекции за корупцијата во минатото, кога тој истиот е корумпиран во сегашноста – Џабир Дерала 04:33 – Факти за трагедијата во Кочани, лажните наративи на власта и нејзините медиумски апологети – Биљана Јордановска 23:57 – Јавни собири и протести на граѓан(к)ите и манипулациите на власта – Јане Ѓорѓиоски 35:03 – Во „останатите“ вести: Пукање, „пумпање“, насилство, педофилија, силување, заложништво, смрт… – Дехран Муратов 56:30 – Ефектите од ненасилниот граѓански отпор наспроти насилството – принципот на 3,5% – Љубомир Костовски 01:09:38 – Што се крие зад тендерот на владата за изработка на софтвер што ќе го следи квалитетот на медиумското известување? – Зоран Иванов 01:17:46 – Предвремени парламентарни избори, провокација или реалност – Дестан Јонузи 01:27:16 – Балкански протестен бран – Диана Тахири 01:42:33 – Мировниот процес и Вискиликс – Драган Мишев
КОЛЕГИУМ-от разговараше отворено, остро и без задршка – за Кочани Кои се фактите, лажните наративи и жестоката црна пропаганда, реакциите од јавноста, граѓанките и граѓаните, и власта по овој трагичен настан. Се повлекоа и повеќе паралели со примери од други земји во минатото.
Понатаму, КОЛЕГИУМ-от погледна што има во останатите вести и „пронајде“: Пукање, „пумпање“, насилство, педофилија, силување, заложништво, смрт… – што се случува во оваа земја?
Во програмата се зборува и за ефектите од ненасилниот граѓански отпор наспроти насилството – принципот на 3,5%.
Што се крие зад тендерот на владата за изработка на софтвер што ќе го следи квалитетот на медиумското известување?
Се отвори и прашањето за предвремени парламентарни избори, односно дали се работи за провокација или реалност.
Понатаму, програмата вклучи и анализа на регионот кој го тресе бран на граѓански протести. Од светот ги издвоивме процесите поврзани со прекинот на огнот во Украина и скандалот кој некои го нарекоа „Вискиликс“.
Учествуваат (според редослед на појавување): Џабир Дерала (водител), Биљана Јордановска, Јане Ѓорѓиоски, Дехран Муратов, Љубомир Костовски, Зоран Иванов, Дестан Јонузи, Диана Тахири, Драган Мишев
Камера и монтажа: Ариан Мехмети
