Пет обвинители од Специјалното јавно обвинителство следната недела ќе се сретнат со членовите на Советот на јавни обвинители и ќе ги образложат причините за откажувањето на СЈО од случајот „Пуч“, изјави денеска претседателот на Советот, Петар Аневски, по средбата со специјалната обвинителката Катица Јанева.
Специјалната јавна обвинителка, Катица Јанева по средбата кусо изјави дека нема коментар.
На денешната средбата која се одржала по барање на Катица Јанева била утврдена динамиката со која СЈО ќе го достави предметот. Аневски објасни дека ќе побараат делови од случајот, а следната недела ќе ги договараат и следните чекори кои треба да разјаснат зошто СЈО го повлекло обвинението.
Покрај Зоран Заев, во случајот „Пуч“ обвинети се и поранешниот разузнавач Зоран Верушевски, неговата сопруга Соња Верушевска, Ѓорѓи Лазаревски, вработен во УБК и Бранко Палифров, службеник во Општина Струмица. .